ايماقتار • 07 شىلدە، 2022

اۋىلدىڭ قىزى – الەم چەمپيونى

16 رەت كورسەتىلدى

تەرەڭكول اۋدانىنىڭ تۇرعىندارى تويلاتۋدا. جاڭابەت اۋىلىنىڭ 9-سىنىپ وقۋشىسى مارينا فەيستوۆا بىشكەك قالاسىندا گىر سپورتىنان وتكەن جاسوسپىرىمدەر اراسىنداعى الەم چەمپيوناتىندا التىننان القا تاقتى. قارشاداي قىز قولا مەدالدى دا قورجىنعا سالدى.

اياداي اۋىلدان چەمپيوندار ءجيى شىعا بەرمەيدى. سودان بولار، اۋدان اكىمى باستاعان بارشا تەرەڭكولدىكتەر كوك تۋدى جەلبىرەتىپ، مارينانى تىك تۇرىپ قارسى الدى. جاس الەم چەمپيو­نىنا لايىقتى قۇرمەت كورسەتىلىپ، اۋدان اكىمدىگى اتىنان 100 مىڭ تەڭگە سىياقى تابىستالدى. باپكەرى ازامات ابدراحوۆقا 50 مىڭ تەڭگە بەرىلدى. جاتتىقتىرۋشى ءوز سوزىندە: «كىشكەنتاي اۋىلدان ۇلكەن سپورتشىلار شىعاتىنىن دالەلدەدىك. اۋدانىمىزدا سپورتتى دامىتۋ جۇمىستارى جۇيەلى جالعاسا بەرسە، ءالى تالاي چەمپيوندار شىعادى»، دەدى. ءوز كەزەگىندە جاڭابەتتىكتەر اۋىل جاستارى بوس ۋاقىتىندا زياندى ارەكەتتەرگە بارماي، سپورت زالىنان تابىلاتىنىن، بۇل رەتتە جاتتىقتىرۋشىلاردىڭ ەڭبەگى زور ەكەنىن اتاپ ءوتتى.

قىرعىزستان استاناسىندا وتكەن الەم بىرىنشىلىگىنە قازاقستان، رەسەي، بەلارۋس، وزبەكستان، قىرعىزستان، ءۇندىستان، پاكىستان جانە موڭعوليا مەملەكەتتەرىنەن 200-دەن استام سپورتشى قاتىسقان. مارينا فەيستوۆا 58 كەلى سالماقتا جۇلقي كوتەرۋ جاتتى­عۋىندا توپ جارسا، ۇزاقمەرزىمدى (تسيكلدى) كوتەرۋ باعدارلاماسىندا قولاعا قول جەتكىزدى. مارينا زور قۇرمەت ءۇشىن جەرلەستەرىنە العىسىن ءبىلدىرىپ، بولاشاعىن ۇلكەن سپورتپەن بايلانىستىرعىسى كەلەتىنىن ايتتى. تەك العا، مارينا!

 

پاۆلودار وبلىسى،

تەرەڭكول اۋدانى

 

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار