ەكولوگيا • 07 شىلدە، 2022

كيىكتەر سانى قاراشاعا دەيىن رەتتەلۋى مۇمكىن

33 رەت كورسەتىلدى

كيىكتەردىڭ سانى 15 قىركۇيەكتەن 30 قاراشاعا دەيىن رەتتەلۋى مۇمكىن. بۇل تۋرالى ەكولوگيا مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى نۇرلان قىلىشباەۆ مالىمدەدى، دەپ حابارلايدى Egemen.kz.

«زوولوگيا ينستيتۋتى 2022 جىلعا كيىكتەردىڭ سانىن رەتتەۋدىڭ بيولوگيالىق نەگىزدەمەسىن ۇسىندى. عىلىمي قورىتىندىعا سايكەس، جەم-ءشوپ پەن سۋاتتاردىڭ، اۋىل شارۋاشىلىعى داقىلدارى ەگىسىنە كيىكتەردىڭ كىرۋىنىڭ سالدارىنان، سونداي-اق ورال پوپۋلياتسياسى سانىنىڭ كۇرت وسۋىنە بايلانىستى كيىكتەردىڭ شامادان تىس ءوسۋىن رەتتەۋ قاجەتتىلىگى تۋىندادى. ايتا كەتسەك، مۇنداي جاعداي بەتپاقدالا پوپۋلياتسياسىندا دا بايقالادى»، دەدى نۇرلان قىلىشباەۆ ەلوردادا وتكەن دوڭگەلەك ۇستەلدە.

بيولوگيالىق نەگىزدەمەگە سايكەس 2022 جىلى ورال پوپۋلياتسياسىنىڭ كيىكتەرىن اتۋعا ۇسىنىلعان كولەمى ەسەپتىك سانىنىڭ 10%-ىن قۇرايدى، ونىڭ ىشىندە ەرەسەك ەركەك - 5%، ەرەسەك انالىق - 47،5%، جاس ۇرعاشى - 47،5%.

«قوستاناي، اقمولا وبلىستارىنىڭ اۋماعىنداعى بەتپاقدالا پوپۋلياتسياسى ءۇشىن 2022 جىلعا الۋ كولەمى ەسەپتىك ساننىڭ 2،5% مولشەرىندە ۇسىنىلادى. ونىڭ ىشىندە ەرەسەك اتالىقتارى - 5%، ەرەسەك ۇرعاشىلارى - 47،5%، جاس تولدەرى - 47،5%»، دەدى ن.قىلىشباەۆ.

ول كيىكتەردىڭ سانىن بيولوگيالىق جانە ەكونوميكالىق تۇرعىدان رەتتەۋدىڭ وڭتايلى مەرزىمى 15 قىركۇيەكتەن 30 قاراشاعا دەيىن ەكەنىن ايتتى.

بۇرىن حابارلانعانداي، قازاقستاندا 90 مىڭعا جۋىق كيىك اتۋعا جاتادى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار