ايماقتار • 06 شىلدە، 2022

وزىق ءوندىرىس ورنىندا بولدى

«كيرپيچ سك» زاۋىتى – سولتۇستىك قازاقستان وبلىسىنىڭ قىزىلجار اۋدانىنداعى پودگورنوە سەلوسىنا ورنالاسقان تاۋلىگىنە 150 مىڭ كىرپىش شىعاراتىن وزىق ءوندىرىس. ءماجىلىس دەپۋتاتتارى ەرلىك تايجانوۆ پەن دميتري كولودا وسى جىلدىڭ مامىر ايىندا ىسكە قوسىلعان وسى كاسىپورىننىڭ جۇمىسىمەن تانىستى.

جاقسىباي سامرات

زاۋىت باسشىلارىنىڭ ايتۋىنا قاراعاندا، بۇل زاۋىت تولىق كۇشىنە ەنگەندە وبلىس قانا ەمەس، رەسپۋبليكانىڭ وتاندىق كىرپىشكە دەگەن سۇرانىسىنىڭ 40-50 پايىزىن قامتاماسىز ەتەتىن بولادى ەكەن.

ماجىلىسمەندەر ساپارىنىڭ ماقساتى – سايلاۋالدى باعدارلامالاردى ورىنداۋ بويىنشا جول كارتالارى شەڭبەرىندە ىسكە اسىرىلعان نىساندارعا مونيتورينگ جۇرگىزۋ. جاڭا وندىرىسكە «سولتۇستىك» اكك قولداۋ كورسەتۋدە. «كيرپيچ سك» جشس ديرەكتورىنىڭ ورىنباسارى ابەل بەرنەتسياننىڭ ايتۋىنشا، ءوندىرىستىڭ ەكىنشى جەلىسىن سالۋ ەسەبىنەن مۇندا تاۋلىگىنە 300 مىڭعا دەيىن كىرپىش ءوندىرۋ جوسپارلانىپ وتىر. ال ول جوعارىدا ايتقانىمىزداي، ەلدەگى كىرپىش مۇقتاجدىعىنىڭ 40-50 پايىزىن جابا الادى. ء«بىر كىرپىشتىڭ باعاسى 115 تەڭگەنى قۇرايدى، بۇل سىرتتان اكەلىنگەن تاۋارعا قاراعاندا 30 تەڭگەگە ارزان. شيكىزات جەرگىلىكتى، سونىڭ ىشىندە ساز قىزىلجار اۋدانىنداعى پودگورنوە اۋىلىنداعى كارەردەن الىنادى، كومىر بەسكول اۋىلىنان اكەلىنەدى»، دەيدى ابەل بەرنەتسيان.

قازىر كاسىپورىندا ەكى اۋىسىمدا 100-گە جۋىق ادام ەڭبەك ەتەدى، ورتاشا جالاقى 200-دەن 250 مىڭعا دەيىن. قازىر زاۋىت تەك جازعى ماۋسىمدا عانا جۇمىس ىستەيدى، بىراق جاقىن ارادا باسشىلىق جىل بويى جۇمىس رەجىمىنە كوشۋدى جوسپارلاپ وتىر.

كاسىپورىننان العان اسەرىمەن بولىسكەن دميتري كولودا: «ەڭ باستىسى، مۇندا جەرگىلىكتى ماتەريالدار پايدالانىلادى، الىستان ەشنارسە تاسۋدىڭ قاجەتى جوق. ول وزىندىك قۇندى تۇراقتى ۇستاۋعا مۇمكىندىك بەرەدى. تاعى ءبىر ءپليۋسى – ەكىنشى ماتەريالدى پايدالانۋ. بەسكول اۋىلىنىڭ ورتالىق قازاندىعىنان جانىپ جاتقان كومىر كىرپىش ءوندىرۋ ءۇشىن وسىندا اكەلىنەدى. پروبلەمالىق سۇراقتار تۇسكەن جوق، ءبىز كەيبىر تۋىنداعان ماسەلەلەرگە قاتىستى ارنايى ساۋالدار جاسايتىن بولامىز»، دەدى.

جالپى دەپۋتاتتاردىڭ كوشپەلى ءىس-شارالارى 10 كۇن بويى جالعاسادى. وسى ۋاقىت ىشىندە ماجىلىسمەندەر ازاماتتاردى قابىلداپ، سۋ، جولدار، قونىس اۋدارۋشىلارعا ارنالعان ۇيلەر سالۋعا بايلانىستى جانە باسقا وزەكتى ماسەلەلەردى قارايدى.

سولتۇستىك قازاقستان وبلىسى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز