قازاق – قارياسىن سىيلاعان حالىق. «قارتى بار ءۇيدىڭ قازىناسى بار» دەگەن اتالى ءسوز دە ۇلتتىق ۇستىنعا اينالعالى قاشان؟! دەسەك تە, بۇگىندە قوعامدا بالالار ءۇيىنىڭ دە, قارتتار ءۇيىنىڭ دە تۇرعىندارى جىل وتكەن سايىن كوبەيىپ كەلەدى.
شىعارماشىلىق ۇجىمنىڭ ۇيىمداستىرعان اندەرىنەن قارتتاردىڭ كوڭىلى كوتەرىلىپ, ءبىر ۋاقىت سەرگىپ قالدى. ءتىپتى اقساقالدى اتالار اق جاۋلىقتى انالارىمىزدى ورتاعا ۆالسكە شاقىرىپ, كەشتى قىزدىرا ءتۇستى.
مۋزىكالىق جاس كورەرمەن تەاترىنىڭ قىز-جىگىتتەرى سابىرحان اسانوۆتىڭ سوزىنە ءشامشى قالداياقوۆتىڭ ءانى جازىلعان «ساعىنىشىم مەنىڭ» ءانىن حورمەن باستاپ, مۇحتار شاحانوۆتىڭ سوزىنە جازىلعان «ارىستىڭ جاعاسىندا» انىمەن جالعاستىردى. بۇل اندەرگە بىرگە قوسىلىپ شىرقاماعان قاريالار قالمادى. سوناۋ الىس-الىس بەلەس, قىراتتاردا قالعان جاستىق شاقتارى ەسكە تۇسكەن بولار, كوبىسى كوزدە-
رىنە جاس الدى. جۇرەك تولقيدى.
كەش سوڭىندا الەۋمەتتىك قىزمەت كورسەتۋ ورتالىعىنىڭ قاريالارى جاستارعا اق جارما تىلەكتەرىن ايتىپ, باتاسىن بەرىپ, قيماستىقپەن قوشتاستى.
