قوعام • 05 شىلدە، 2022

تۇرعىن ءۇي سالاسىن دامىتۋدىڭ تۇجىرىمداماسى قابىلدانادى

18 رەت كورسەتىلدى

قازاقستاندا تۇرعىن ءۇي سالاسىن دامىتۋدىڭ 2026 جىلعا دەيىنگى تۇجىرىمداماسىن قابىلداۋ جۇمىستارى باستالىپ كەتتى. ۇكىمەتتىڭ بۇگىنگى وتىرىسىندا پرەمەر-مينيستر ءاليحان سمايىلوۆ ۇكىمەت مۇشەلەرىنە وسى باعىتقا ارنالعان بىرقاتار تاپسىرما بەردى، دەپ حابارلايدى Egemen.kz.

«جالپى تۇرعىن ءۇي سالاسىنداعى تاسىلدەردى توپتاستىرىپ، ءبىر رەتكە كەلتىرۋ ءۇشىن تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2026 جىلعا دەيىنگى تۇجىرىمداماسىن قابىلداۋ جۇمىستارى باستالىپ كەتتى. جاڭا تاسىلدەردىڭ جانە مەحانيزمدەردىڭ ماڭىزدىلىعى مەن الەۋمەتتىك باعىتىن ەسكەرە وتىرىپ، ولاردىڭ بارلىعىن ءتيىمدى، ۋاقتىلى ءارى ساپالى ىسكە اسىرۋ قاجەت»، دەدى ۇكىمەت باشىسى.

ونىڭ ايتۋىنشا، جاڭا تۇجىرىمداما اياسنىدا مىناداي باعىتتاردا جۇمىستار اتقارىلۋى كەرەك.

ء«بىرىنشى، يندۋستريا مينيسترلىگى تۇرعىن ءۇي ساياساتىنداعى جاڭا تاسىلدەر بويىنشا زاڭ جوباسىنىڭ بارلىق ەرەجەلەرىن پارلامەنت پالاتالارىمەن ساپالى ءارى جەدەل پىسىقتاۋدى قامتاماسىز ەتسىن. ەكىنشى، يندۋستريا مينيسترلىگى مەن مۇددەلى مەملەكەتتىك ورگاندار قاجەتتى دەرەكقورلارمەن تولىققاندى ينتەگراتسيالاپ، تۇرعىن ءۇي سالاسىنداعى بارلىق اقپاراتتىق جۇيەلەردى ىسكە قوسۋ جۇمىستارىن اياقتاسىن. ءۇشىنشى، باسپاناعا مۇقتاج ادامداردى تۇرعىن ۇيمەن قامتاماسىز ەتۋ – اسا ماڭىزدى مىندەت. سوندىقتان، يندۋستريا مينيسترلىگى مەن بارلىق ءوڭىر اكىمدەرى تۇرعىن ءۇي جانە ينجەنەرلىك ينفراقۇرىلىمنىڭ جوسپارلانعان كولەمىن ۋاقىتىلى ىسكە قوسۋ ءۇشىن تۇبەگەيلى شارالار قابىلداۋى كەرەك»، دەدى ءاليحان سمايىلوۆ.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار