قوعام • 05 شىلدە، 2022

كاسىپكەر الماس ابدىعاپپاروۆ 7 جىلعا سوتتالدى

30 رەت كورسەتىلدى

Parmigiano Group كومپانياسىنىڭ باسشىسى الماس ابدىعاپپاروۆ 7 جىلعا سوتتالدى، دەپ حابارلايدى Egemen.kz الماتى قالالىق سوتىنىڭ ءباسپاسوز قىزمەتىنە سىلتەمە جاساپ.

الماتى قالاسى №2 مەدەۋ اۋداندىق سوتى ەليتالىق Esentai City تۇرعىن ءۇي كەشەنىندە جىلجىمايتىن م ۇلىكتى ساتىپ الۋشىعا تيەسىلى 418 640 000 تەڭگەنى مەنشىكتەپ الۋ ءىسى بويىنشا ۇكىم شىعاردى.

«الماس ابدىعاپپاروۆ سەنىپ تاپسىرىلعان بوتەن م ۇلىكتى يەمدەنىپ الۋ نەمەسە تالان-تاراجعا سالعانى ءۇشىن ايىپتى دەپ تانىلدى. ول جازاسىن جالپى رەجيمدەگى كولونيادا 7 جىل وتەيدى. سونداي-اق وعان قارجىلىق ۇيىمداردا 5 جىل بويى باسشىلىق قىزمەتتەر اتقارۋعا تىيىم سالىنادى»، دەپ حابارلادى سوتتان.

ۇكىم زاڭدى كۇشىنە ەنگەن جوق.

ايتا كەتەيىك، Parmigiano Group كومپانياسىنىڭ ديرەكتورى الماس ابدىعاپپاروۆ بىلتىر شىلدە ايىندا قاماۋعا الىنعان بولاتىن.

ايانا توعانبەك

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار