وقيعا • 05 شىلدە، 2022

نۇر-سۇلتاندا ءجاسوسپىرىم سۋعا باتىپ كەتتى

20 رەت كورسەتىلدى

دەمالىس كۇندەرى نۇر-سۇلتان قالاسىنىڭ تۇران داڭعىلى جاعىنان وزەن جاعالاۋىندا ءجاسوسپىرىم سۋعا كەتىپ، قازا بولدى، دەپ حابارلايدى Egemen.kz قالالىق پد ءباسپاسوز قىزمەتىنە سىلتەمە جاساپ.

اۋا رايى جىلىنىپ، سۋعا شومىلۋ ماۋسىمى باستالعاننان بەرى سۋعا باتقان ادامدار سانى دا ءوسىپ كەلەدى. ونىڭ ىشىندە، اسىرەسە، بالالاردىڭ قاتىسۋىمەن بولعان قايعىلى جاعدايلار قايتالانىپ جاتىر.

«دەمالىس كۇندەرى نۇر-سۇلتان قالاسىنىڭ تۇران داڭعىلى جاعىنان وزەن جاعالاۋىندا ءجاسوسپىرىم سۋعا كەتىپ، قازا بولدى. كامەلەتتىك جاسقا تولماعان بالانىڭ وزەن جاعالاۋىنا دوستارىمەن شومىلىپ ءجۇرىپ سۋعا باتىپ كەتكەنى انىقتالدى. اتالعان فاكتى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر»، دەلىنگەن حابارلامادا.

نۇر-سۇلتان قالاسىنىڭ پوليتسەيلەرى توتەنشە جاعدايلار دەپارتامەنتىنىڭ قىزمەتكەرلەرىمەن بىرلەسىپ شومىلۋ ورىندارى مەن كوممۋنالدىق جاعاجايلاردى پاترۋلدەۋدىڭ ءموبيلدى توپتارىن ۇيىمداستىردى. اتالعان ءموبيلدى توپ ادامداردىڭ قازا بولۋىنىڭ الدىن الۋ ماقساتىندا، سۋ نىساندارىنا تەكسەرىس جۇرگىزەدى، ازاماتتارعا سۋدا ءجۇزۋ ەرەجەلەرىن ساقتاۋدى، كامەلەتكە تولماعانداردىڭ ەرەسەكتەردىڭ قاراۋىنسىز سۋعا تۇسۋىنە جول بەرمەۋدى ەسكەرتەدى. ەلوردا اۋماعىندا بارلىق پاترۋلدىك اۆتوكولىكتەر قۇتقارۋ قۇرالدارىمەن جابدىقتالعان.

پوليتسيا دەپارتامەنتى ازاماتتاردى سۋ ايدىندارىنداعى قاۋىپسىزدىك ەرەجەلەرىن ساقتاۋعا شاقىرادى. بالالاردىڭ ەرەسەكتەردىڭ قاداعالاۋىنسىز جانە بەلگىلەنبەگەن ورىنداردا شومىلۋىنا ءۇزىلدى-كەسىلدى تىيىم سالىنادى.

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار