بۇگىندە ەمدەۋ-ساۋىقتىرۋ كەشەنىندە 264 ادام قىزمەت ەتۋدە. كەزدەسۋدە كەشەن قىزمەتكەرلەرى باسقارۋشىعا سۇراقتارىن قويىپ, وزدەرىنىڭ وي-پىكىرلەرىمەن ءبولىسىپ, جاۋاپ الدى.
بيىلعى جىلدىڭ قاڭتار ايىنان باستاپ دارىگەلەر جالاقىسى 60%-عا, مەدبيكەلەر 40%-عا, باسقا قىزمەتكەرلەر ايلىعى 20%-عا ءوستى. 2022 جىلعى ءبىرىنشى توقساندا ورتاشا جالاقى 288 مىڭ تەڭگەنى قۇرادى.
ەمدەۋ-ساۋىقتىرۋ كەشەنى 1964 جىلى ءۇش قاباتتى ءبىر عانا عيماراتتان باستالىپ, بۇگىندە ۇزدىك شيپاجايلار تىزىمىندە كوش باستاپ كەلەدى. قازىرگى ۋاقىتتا «وقجەتپەس» ەمدەۋ-ساۋىقتىرۋ كەشەنى جىل بويى قىزمەت كورسەتەدى جانە دەمالۋشىلارعا ارنالعان 173 نومىرلىك قورى بار, جىل بويىنا قىزمەت كورسەتەتىن ەمدەۋ ورنى بولىپ تابىلادى. بىرىكتىرىلگەن جەلىنىڭ ءارتۇرلى ساناتتاعى 367 بولمەسى بار. مەديتسينالىق عيماراتتار بىلىكتى كادرلارمەن جانە جاڭا مەديتسينا جابدىقتارىمەن جابدىقتالعان. جىلىنا 10 مىڭعا جۋىق ادام كەلىپ ەم قابىلداۋدا.
ايانا توعانبەك
