قوردىڭ مالىمەتىنە سايكەس, ءبىر جىل مەرزىمدە تاراتىلاتىن بانكتىڭ سالىمشىلارىنا شامامەن 1,6 ملرد تەڭگە تولەندى. بۇل بانك بويىنشا كەپىلدىكتىڭ جالپى سوماسىنىڭ 92%-ىنان اسادى.
تولەمدەردىڭ ماكسيمالدى سوماسى 15 ملن تەڭگەگە جەتتى, مينيمالدى سوماسى – 10 تەڭگەگە دەيىن بولدى. كەپىلدىك بەرىلگەن وتەمدى تولەۋ «ەۋرازيالىق بانك» اق اگەنت-بانكىنىڭ بولىمشەلەرىندە دە, سونداي - اق ونلاين بەرىلگەن وتىنىشتەر بويىنشا قور جۇرگىزىلدى. قازىرگى تاڭدا سالىمشىلاردىڭ بجزق جەكە زەينەتاقى شوتتارىنا كەپىلدىك بەرىلگەن وتەمنىڭ تالاپ ەتىلمەگەن سومالارىن اۋدارۋ شارالارى جۇرگىزىلىپ وتىر. اقشانى ەسەپكە الۋ بيىل 2 تامىزعا دەيىن جۇرگىزىلەدى.
«تولەم مەرزىمى اسقاننان كەيىن ازاماتتار, تالاپ ەتىلمەگەن سوما بجزق اۋدارىلعان جاعدايدا دا, وتەم الۋ ءۇشىن جۇگىنۋگە قۇقىلى بولادى. بۇل مۇمكىندىكتى بەلگىلى ءبىر سەبەپتەرمەن بەلگىلەنگەن مەرزىمدە تولەم الۋعا ءوتىنىش بەرە الماعان سالىمشىلار عانا پايدالانا الادى. ول ءۇشىن سالىمشى قدكبق - دالەلدى سەبەپتەردىڭ ءبىرىنىڭ بار ەكەنىن راستايتىن قۇجاتتاردى قوسىمشا تاپسىرۋ ارقىلى, جازباشا ءوتىنىش بەرۋى قاجەت», دەدى قوردىڭ توراعاسى اديل ۋتەمباەۆ.
قازاقستاننىڭ دەپوزيتتەرگە كەپىلدىك بەرۋ قورى قازاقستاندا تاراتىلاتىن توعىز بانك بويىنشا سالىمشىلارعا تولەمدەردى تولەۋدى اياقتاعان.
تولىق اقپاراتتى 1460 تەگىن ءنومىرى بويىنشا الۋعا بولادى.
