سپورت • 03 شىلدە، 2022

«قازاقستان بارىسىنىڭ» جەڭىمپازى انىقتالدى

123 رەت كورسەتىلدى

بۇگىن نۇر-سۇلتان قالاسىندا وتكەن رەسپۋبليكالىق «قازاقستان بارىسى» تۋرنيرىندە قىزىلوردالىق ماقسات يساعابىلوۆ چەمپيون اتاندى، دەپ حابارلايدى Egemen.kz.

قىزىلوردالىق سپورتشى فينالدا ماڭعىستاۋلىق نۇرداۋلەت جارىلعاپوۆپەن كەزدەستى. ناتيجەسىندە ماقسات قارسىلاسىن جەڭىپ، بيىلعى ءتۋرنيردىڭ جەڭىمپازى اتاندى.

ماقسات يساعابىلوۆ 1994 جىلدىڭ 17 قاراشاسىندا قىزىلوردا وبلىسىندا دۇنيەگە كەلگەن. بويى 184 سانتيمەتر، سالماعى 120 كەلى. بۇعان دەيىن ول قازاق كۇرەسىنەن حالىقارالىق دارەجەدەگى سپورت شەبەرى اتانعان.

وعان 25 ميلليون تەڭگە اقشالاي سىيلىق، التىن بەلبەۋ جانە التىننان قۇيىلعان «تايتۇياق» بەرىلدى. ال ەكىنشى ورىن يەگەرى نۇرداۋلەت جارىلعاپوۆقا 5،5 ميلليون تەڭگە مەن كۇمىس بەلبەۋگە قول جەتكىزدى. تۋرنير بارىسىندا قولا جۇلدەگە جامبىلدىق عالىمجان قىرىقباەۆ قول سوزىپ، 1،8 ميلليون تەڭگە مەن قولا بەلبەۋگە يە بولدى.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار