قازاقستان • 02 شىلدە، 2022

قازاقستان تۇركى مەملەكەتتەرى ۇيىمى قاۋىپسىزدىك كەڭەسىنىڭ كەزدەسۋىنە قاتىستى

42 رەت كورسەتىلدى

انكارادا پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى عيزات نۇرداۋلەتوۆ قاتىسقان تۇركى مەملەكەتتەرى ۇيىمىنا مۇشە مەملەكەتتەردىڭ قاۋىپسىزدىك كەڭەس حاتشىلارىنىڭ ءبىرىنشى كەزدەسۋى ءوتتى، دەپ حابارلايدى Egemen.kz.

ءىس-شارا بارىسىندا ەنەرگەتيكالىق، كولىكتىك، ازىق-ت ۇلىك قاۋىپسىزدىگى، تەرروريزم قاتەرلەرىنە قارسى ءىس-قيمىل جانە وڭىرلىك قاۋىپسىزدىكتىڭ باسقا دا وزەكتى اسپەكتىلەرى تالقىلانىپ، ولاردى نىعايتۋ جونىندەگى ىقتيمال شارالار قارالدى.

ءوز سوزىندە عيزات نۇرداۋلەتوۆ قازاقستان وڭىرلىك قاۋىپسىزدىك سالاسىنداعى نەگىزگى ماسەلەلەردى شەشۋدىڭ ۇجىمدىق تاسىلدەرىن قالىپتاستىرۋعا باعىتتالعان كوپۆەكتورلى سىرتقى ساياساتتى ىسكە اسىرىپ جاتقانىن اتاپ ءوتتى.

وسىلايشا، ءبىزدىڭ ەلىمىز حالىقارالىق ەنەرگەتيكالىق جانە ازىق-ت ۇلىك قاۋىپسىزدىگىن قامتاماسىز ەتۋگە ءوز ۇلەسىن ارتتىرۋ بويىنشا، ءونىمنىڭ نەگىزگى تۇرلەرىن جەتكىزۋدە ىركىلىستەرگە جول بەرمەۋ ماقساتىندا حالىقارالىق كولىك-لوگيستيكالىق باعىتتاردى دامىتۋ بويىنشا جۇمىستى جالعاستىرادى.

جيىندا اۋعانستاندى الەۋمەتتىك-ەكونوميكالىق قالپىنا كەلتىرۋگە جانە وسى ەلدەگى جاعدايدى تەز ارادا قالىپقا كەلتىرۋگە ەرەكشە نازار اۋدارىلدى.

كەزدەسۋ سوڭىندا دەلەگاتسيا باسشىلارىن تۇركيا پرەزيدەنتى رەجەپ ەردوعان قابىلدادى. تۇركيا رەسپۋبليكاسىنىڭ باسشىسى قۇرلىقتاعى گەوساياسي تاۋەكەلدەردىڭ شيەلەنىسۋى جاعدايىندا جاڭا ينتەگراتسيالىق تەتىكتەر قۇرۋدىڭ ماڭىزدىلىعىن اتاپ ءوتىپ، تۇركى مەملەكەتتەرى ۇيىمىنىڭ بارلىق قاتىسۋشىلارىمەن ءوزارا قارىم-قاتىناستىڭ وڭ قارقىنىن اتاپ ءوتتى.

سونداي-اق ءىس-شارا اياسىندا قاۋىپسىزدىك كەڭەسىنىڭ حاتشىلارى ىشكى ىستەر مينيسترلىگى مەن تۇركيانىڭ ۇلتتىق بارلاۋ ۇيىمىنىڭ باسشىلىعىمەن كەزدەسىپ، تۇرىك مەملەكەتتىك اەروعارىش كومپانياسىن ارالادى.

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

تالانت پەن تاعدىر

ونەر • كەشە

شيپالى سۋلار شەجىرەسى

ايماقتار • كەشە

تاڭبالى تانىمى

تانىم • كەشە

تسيرك

ونەر • كەشە

ۇقساس جاڭالىقتار