الەم • 02 شىلدە، 2022

ۋكراينانىڭ 16 ملن ازاماتى گۋمانيتارلىق كومەككە مۇقتاج

27 رەت كورسەتىلدى

بۇگىن كيەۆتەگى ءباسپاسوز ءماسليحاتىندا بۇۇ ۋكرايناداعى گۋمانيتارلىق ماسەلەلەر جونىندەگى ۇيلەستىرۋشىسى وسنات لۋبراني ۋكراينانىڭ 16 ملن ازاماتى گۋمانيتارلىق كومەككە مۇقتاج ەكەنىن مالىمدەدى، دەپ حابارلايدى Egemen.kz  بۇۇ جاڭالىقتار قىزمەتىنە سىلتەمە جاساپ.

بۇۇ گۋمانيتارلىق مەكەمەلەر جۇيەسى سەرىكتەس ۇيىمدارمەن جانە ۋكراينالىق ەرىكتىلەرمەن بىرىگىپ تۇرعىندارعا كومەك كورسەتۋ ءۇشىن جۇمىس ىستەۋدە.

«سوڭعى ءتورت ايدا ۋكراينا بۇكىل الەمنىڭ نازارىندا بولدى. بۇل ارينە جاقسى جاعىنان ەمەس. رەسەيدىڭ ۋكرايناعا قارسى سوعىسى باستالعالى بۇل ەلدەگى ءار ايەلدىڭ، ءار ەركەكتىڭ جانە ءار بالانىڭ ءومىرى قۇرتىلدى: ولاردىڭ جاقىندارى ءولتىرىلدى، جاراقات الدى، وتباسىنان ايىرىلدى، مىڭداعان ۇيگە بومبا تاستالدى. بۇل ازاپتى سوزبەن ايتىپ جەتكىزۋ مۇمكىن ەمەس»، دەدى وسنات لۋبراني ءوزىنىڭ مالىمدەمەسىندە.

ول بۇگىندە 16 ملن ۋكراينالىقتىڭ سۋعا، تاماققا، مەديتسينالىق كومەككە جانە باسپاناعا مۇقتاج ەكەنىن ايتتى.

«بۇل تەك ىقتيمال بولجام. قازىر بۇۇ سەرىكتەستەرىمىزبەن بىرگە قايتا قاراپ جاتىر. التى ميلليوننان استام ادام ىشكى كوشىپ-قونىپ جۇرگەندەر قاتارىندا. بەس ميلليونعا جۋىق ادام تۋعان جەرىنە قايتا ورالدى، بىراق ولار قايتا كەتۋگە ءماجبۇر بولاتىندارىن ءتۇسىنىپ وتىر. 5،3 ملن ۋكراينالىق باسقا ەلدەرگە بوسقىن بولىپ كەتتى»، دەپ قوستى بۇۇ ۇيلەستىرۋشىسى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار