وقيعا • 01 شىلدە، 2022

الماتىدا قورشاۋعا ورمەلەگەن 8 جاسار بالانى توق سوقتى

23 رەت كورسەتىلدى

الماتىدا ساياباقتا دوستارىمەن ويناپ ءجۇرىپ قورشاۋعا ورمەلەگەن بالانى توق سوقتى. قازىر ول اۋرۋحانادا جاتىر، دەپ حابارلايدى Egemen.kz.

قالالىق دەنساۋلىق ساقتاۋ باسقارماسىنىڭ مالىمەتىنشە، وقۋشى اۋرۋحاناعا اۋىر حالدە جەتكىزىلگەن.

«توققا ءتۇسىپ قالعان 2014 جىلى تۋعان ا. ەسىمدى بالا جەدەل جاردەم بريگاداسىمەن ورتالىق بالالار اۋرۋحاناسىنا جەتكىزىلدى. دارىگەرلەر وقۋشىعا العاشقى كومەك كورسەتىپ، بىردەن كۇيىك بولىمىنە جاتقىزدى. جاعدايى تۇراقتى، ورتاشا اۋىرلىقتا. پروتوكول بويىنشا ەم الىپ جاتىر»، دەپ حابارلادى دەنساۋلىق ساقتاۋ باسقارماسىنان.

بەلگىلى بولعانداي، وقىس وقيعا الاتاۋ اۋدانىندا بولعان.

سەگىز جاسار بالا جابدىقتالماعان ساياباقتا دوستارىمەن ويناپ ءجۇرىپ قورشاۋعا ورمەلەگەن كەزدە توق سوققان.

الاتاۋ اۋدانى اكىمدىگىندەگىلەر ويىن الاڭقايىن سالۋ ماسەلەسى بويىنشا جۇمىس ىستەلىپ جاتقانىن ايتتى.

«ساياباقتى «بيۋدجەتكە قاتىسۋ» باعدارلاماسى بويىنشا جاڭارتۋدى قاراستىرىپ جاتىرمىز. تالاپ بويىنشا، كوميسسيا قاراپ، شەشىم قابىلداۋى كەرەك. سودان كەيىن تۇرعىندار ويىن الاڭىن سالۋ جوباسىنا داۋىس بەرەدى»، دەدى الماتى قالاسى الاتاۋ اۋدانى اكىمدىگىنىڭ كوممۋنالدىق شارۋاشىلىق ءبولىمىنىڭ مەڭگەرۋشىسى ەرتىس بەسىروۆ.

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار