تابيعي اپاتپەن كۇرەس قىزمەتكەرلەرى, پوليتسيا جانە جەرگىلىكتى تۇرعىندار مانيپۋر شتاتىنىڭ استاناسى يمپحالاعا جاقىن ورنالاسقان نوني قالاسىندا ءۇيىندى استىندا قالىپ قويعان زارداپ شەگۋشىلەرگە كومەك كورسەتىپ جاتىر.
جەرگىلىكتى بيلىكتىڭ مالىمەتىنشە, قازا تاپقانداردىڭ جەتەۋى اسكەري قىزمەتشى بولعان. ءىز-ءتۇزسىز جوعالعاندار اراسىندا ءۇندىستاننىڭ بەس تەمىرجول قىزمەتكەرى بار. تابيعي اپات بولعان اۋداندا تەمىرجول سالىنىپ جاتىر.
ءۇندىستاننىڭ سولتۇستىك-شىعىسىندا ءۇش اپتادان بەرى تولاسسىز جاڭبىر جاۋىپ جاتىر. كەيبىر مالىمەتتەر بويىنشا, 17 مامىردان بەرى قاتتى نوسەر مەن كوشكىن سالدارىنان اسسام, مانيپۋر, تريپۋرا جانە سيككيم شتاتتارىندا بارلىعى 200 ادام, بانگلادەشتە 42 ادام قايتىس بولعان.
جۇزدەگەن مىڭ ادام ەۆاكۋاتسيالانعان.
