پاۆلودار وبلىستىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, كۇدىكتىلەردىڭ ارەكەت ەتۋ سحەماسى اشكەرەلەنگەن. ياعني, ولار ءوزىن پوليتسيا قىزمەتكەرى رەتىندە تانىستىرىپ, وزگەلەردى الداپ كەلگەن.
بەلگىلى بولعانداي, الاياقتار كوشەدەگى ازاماتتاردى قۇجات تەكسەرەمىز دەگەن سىلتاۋمەن سوزگە تارتقان. ارى قاراي اقپاراتتىق جۇيەلەر كومەگىمەن بانكتەر قوسىمشالارىندا سايكەستەندىرۋدەن وتكىزىپ (بيومەتريالىق دەرەكتەردى قولدانا وتىرىپ), ازاماتتارعا تاۋارلىق جانە قولما-قول نەسيە راسىمدەپ الىپ وتىرعان.
«قازىر كۇدىكتىلەردىڭ پاۆلودار, ەكىباستۇز, اقسۋ قالالارىندا 8 فاكتىگە قاتىسى بار ەكەنى انىقتالدى. سونداي-اق ۇستالعانداردان پوليتسيا قىزمەتكەرىنىڭ جالعان قىزمەتتىك كۋالىگى تاركىلەندى», دەدى پاۆلودار وبلىسى پد باستىعى ۆاسيلي سكليار.
