جالاقى مولشەرى وتكەن جىلمەن سالىستىرعاندا 17,7%-عا ءوستى, ناقتى ماندە ءوسىم 9%-دى قۇرادى.
«كاسىپكەرلىك قىزمەتپەن اينالىساتىن شاعىن كاسىپورىنداردى ەسكەرە وتىرىپ, ورتاشا ايلىق جالاقىنىڭ ەڭ كوپ ءوسۋى وتكەن جىلمەن سالىستىرعاندا دەنساۋلىق ساقتاۋ جانە حالىققا الەۋمەتتىك قىزمەت كورسەتۋ سالاسىندا – 29,7%-عا, ءبىلىم بەرۋ سالاسىندا – 24,1%-عا, قارجى جانە ساقتاندىرۋ قىزمەتىندە - 21,1%-عا, وزگە دە قىزمەت تۇرلەرىن ۇسىنۋ سالاسىندا - 21,2%-عا بايقالدى», دەلىنگەن ۇلتتىق ستاتيستيكا بيۋروسىنىڭ حابارلاماسىندا.
سالالار اراسىندا ەڭ جوعارى اتاۋلى جالاقى تاۋ-كەن ءوندىرۋ ونەركاسىبىندە جانە كارەرلەردى قازۋدا – 477,1 مىڭ تەڭگە (ورتاشا رەسپۋبليكالىق دەڭگەيدەن 2,1 ەسە جوعارى), قارجى جانە ساقتاندىرۋ قىزمەتىندە – 437,1 مىڭ تەڭگە (1,9 ەسە), اقپارات جانە بايلانىس سالاسىندا - 330,1 مىڭ تەڭگە (1,4 ەسە), كاسىپتىك ءبىلىم بەرۋ سالاسىندا - 477,1 مىڭ تەڭگە (ورتاشا رەسپۋبليكالىق دەڭگەيدەن 2,1 ەسە جوعارى), عىلىمي جانە تەحنيكالىق قىزمەتكە – 305,8 مىڭ تەڭگە (تيىسىنشە 1,3 ەسە).
كاسىپكەرلىك قىزمەتپەن اينالىساتىن شاعىن كاسىپورىنداردى ەسەپكە العاندا, ورتاشا ايلىق اتاۋلى جالاقىنىڭ تومەن دەڭگەيى اۋىل, ورمان جانە بالىق شارۋاشىلىعى سالالارىندا – 135 430 تەڭگە, سونداي-اق ونەر, ويىن-ساۋىق جانە دەمالىس سالالارىندا - 155 524 تەڭگە بەلگىلەنگەن.
وڭىرلەر اراسىندا شاعىن كاسىپورىنداردى ەسەپكە العاندا ەڭ جوعارى ورتاشا ايلىق اتاۋلى جالاقى اتىراۋ وبلىسىندا بەلگىلەندى – 379 901 تەڭگە.
بۇل رەتتە شىمكەنتتە ونىڭ شاماسى 170 397 تەڭگەنى قۇرادى, بۇل ەل بويىنشا ورتاشا دەڭگەيدەن 26,4%-عا تومەن.
