قوعام • 01 شىلدە، 2022

«قازمۇنايگاز» جانە «ترانسنەفت» كومپانيالارى مۇناي تاسىمالداۋ ماسەلەسىن تالقىلادى

28 رەت كورسەتىلدى

«قازمۇنايگاز» ۇلتتىق كومپانياسى» اق باسقارما توراعاسى ماعزۇم مىرزاعاليەۆ رەسەيدىڭ ماسكەۋ قالاسىندا «ترانسنەفت» جاق پرەزيدەنتى نيكولاي توكارەۆپەن كەزدەستى. ەكى تاراپ قازاقستاندىق مۇنايدى كاسپي قۇبىر كونسورتسيۋمى ارقىلى تاسىمالداۋ ماسەلەلەرىن تالقىعا سالدى، دەپ حابارلايدى Egemen.kz.

كەزدەسۋ بارىسىندا اتاۋلى جوبانىڭ قازاقستان مەن رەسەي ءۇشىن وتە ماڭىزدى ەكەنىنە ءمان بەرىلدى. بۇل رەتتە ماعزۇم مىرزاعاليەۆ «ترانسنەفت» كومپانياسىنىڭ قازاقستاندا وندىرىلگەن مۇنايدى جەتكىزۋ مەن ترانزيت ارقىلى تاسىمالداۋدا ۇزاق مەرزىمدى ءارى سەنىمدى سەرىكتەس ەكەنىن اتاپ ءوتتى.

تاراپتار كاسپي قۇبىر كونسورتسيۋمى تەڭىز تەرمينالىنداعى قازىرگى جاعدايعا ەرەكشە نازار اۋداردى. قازىر مۇندا ءبىرىنشى جانە ەكىنشى ايلاق قۇرىلعىلارى ماڭىنداعى جارىلۋ قاۋپى زور زاتتاردى ميناسىزداندىرۋ بويىنشا جۇمىستار اتقارىلىپ جاتىر.

رەسەيدىڭ توتەنشە جاعدايلار مينيسترلىگى بۇل جۇمىستى 15 ماۋسىمدا باستاعان بولاتىن. اتاپ ايتقاندا، سالا ماماندارى سۋ استىندا قاۋىپتى بولۋى مۇمكىن زاتتاردى تەرەڭىنەن زەرتتەۋ جانە ولاردى جويۋ بويىنشا شارالاردى قولعا الدى. باستاپقىدا بەلگىلەنگەن ءىس-شارالاردى 25 ماۋسىمدا اياقتاۋ جوسپارلانعان ەدى. الايدا اۋا رايىنىڭ قولايسىزدىعىنا بايلانىستى ميناسىزداندىرۋ جۇمىستارى 5 شىلدەگە دەيىن شەگەرىلدى. بۇل ۋاقىتتا ءۇشىنشى ايلاق شتاتتىق رەجيمدەگى جۇمىسىن جالعاستىرا بەرەدى.

باسقوسۋ بارىسىندا باياندالعانداي، ەكىنشى ايلاق اۋماعىنداعى شارالار اياقتالۋعا جاقىن. 1 شىلدەدەن باستاپ قۇبىر جەلىسى ەكى ايلاقتى قولدانۋ ارقىلى جۇمىس ىستەيتىن بولادى. ال ءبىرىنشى جىلجىمالى ايماق اكۆاتورياسىنداعى قاۋىپتى زاتتاردى ىزدەۋ مەن ولاردى شىعارۋ 5 شىلدەدە اياقتالۋى كەرەك.

«قازمۇنايگاز» بەن «ترانسنەفت» كومپانيالارىنىڭ باسشىلىعى وسىنداي جاعدايعا قاراماستان، كاسپي قۇبىر كونسورتسيۋمى جۇك جونەلتۋ كەستەسىنە سايكەس قازاقستاندىق مۇنايدى ەش ىركىلىسسىز تيەگەنىن اتاپ ءوتتى.

ماعزۇم مىرزاعاليەۆ پەن نيكولاي توكارەۆ ەكى ايلاقتى ميناسىزداندىرۋ بارىسىن تالقىلاي كەلە، جۇمىستار ۋاقىتىلى اياقتالارىنا سەنىم ءبىلدىردى جانە ءۇش ايلاقتىڭ بارلىعىنىڭ تۇراقتى جۇمىس ىستەۋى ماڭىزدى ەكەنىنە باسا ءمان بەردى.

ەكى تاراپ كومپانيالار اراسىنداعى قارىم-قاتىناستىڭ بارلىق باعىتتا جۇيەلى جالعاسىپ جاتقانىن العا تارتىپ، ارىپتەستەر ءوزارا تۇسىنىكتىك اياسىندا بىرلەسكەن ءىستى اتقارىپ وتىرعانىن مالىمدەدى.

ايانا توعانبەك

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار