«بالالارعا رۋحاني-ادامگەرشىلىك تاربيە بەرۋ – اكە مەن انانىڭ جاۋاپكەرشىلىگى بىردەي بولعاندا عانا تولىققاندى جۇزەگە اسادى. قازاقستاندا تۇرمىسى تومەن وتباسىلاردىڭ باسىم بولىگىن اليمەنت المايتىن وتباسىلار قۇراپ وتىر. وسىعان وراي, اليمەنت تولەۋدەن جالتارعان ازاماتتارعا حقكو-دا انىقتامالار بەرۋ, كرەديت رەسىمدەۋ, بانكتىك شوتتارعا تىيىم سالۋ, ەسەپتەن شىعارۋ/ەسەپكە قويۋ, كولىك جۇرگىزۋشى كۋالىگىن الۋ قىزمەتىنە تىيىم سالۋدى ۇسىنامىز. بالالار اتا-انانىڭ رۋحاني-ماتەريالدىق قولداۋىن تولىققاندى سەزىنۋى ءۇشىن اليمەنتتەن جالتارعان اكەلەردى اكىمشىلىك-قىلمىستىق جاۋاپكەرشىلىككە تارتۋدى كۇشەيتۋ كەرەك», دەپ سانايدى ول.
