اۋا رايى • 01 شىلدە، 2022

سينوپتيكتەر 1 شىلدەگە ارنالعان اۋا رايىن بولجادى

بۇگىن اباي وبلىسىنىڭ باتىسىندا توتەنشە ءورت قاۋپى ساقتالادى، دەپ حابارلايدى Egemen.kz «قازگيدرومەت» رمك-عا سىلتەمە جاساپ.

بوتاكوز باقبەرگەن

سينوپتيكتەردىڭ ايتۋىنشا، بۇگىن قىزىلوردا وبلىسىنىڭ باسىم بولىگىندە دە توتەنشە ءورت قاۋپى بولۋى مۇمكىن.

«1 شىلدە، كۇندىز باتىس قازاقستان وبلىسىنىڭ سولتۇستىك-باتىسىندا نايزاعاي، بۇرشاق، داۋىل كۇتىلەدى. جەل وڭتۇستىك-باتىستان، وڭتۇستىكتەن سوعادى، كۇندىز وبلىستىڭ سولتۇستىك-باتىسىندا ەكپىنى – 15-20 م/س.

پاۆلودار وبلىسىنىڭ سولتۇستىگىندە، باتىسىندا باتىستان، سولتۇستىك-باتىستان جەل سوعادى، ەكپىنى 15-20 م/س كۇتىلەدى. وبلىستىڭ ورتالىعىندا، وڭتۇستىگىندە توتەنشە ءورت قاۋپى ساقتالادى.

قاراعاندى وبلىسىنداعى اۋا رايى دا وسى سەكىلدى، سولتۇستىگىندە، شىعىسىندا سولتۇستىك-باتىستان جەل سوعادى، ەكپىنى 15-20 م/س كۇتىلەدى. وبلىستىڭ وڭتۇستىك-شىعىسىندا توتەنشە ءورت قاۋپى ساقتالادى»، دەلىنگەن حابارلامادا.

سينوپتيكتەر بولجاعانداي، 1-2 شىلدە كۇندەرى تۇندە جانە تاڭەرتەڭ سولتۇستىك قازاقستان وبلىسىنىڭ باتىسىندا تۇمان بولادى. سولتۇستىك-باتىستان جەل سوعادى، بۇگىن وبلىستىڭ سولتۇستىگىندە، شىعىسىندا كۇشى - 15-20 م/س، كۇندىز ەكپىنى - 25 م/س. ال ەرتەڭ جەل كۇندىز وبلىستىڭ شىعىسىندا ەكپىنى 15-20 م/س كۇتىلەدى.

تۇركىستان وبلىسىنىڭ تاۋلى اۋداندارىندا سولتۇستىك-شىعىستان جەل سوعادى، كۇشى - 15-20 م/س. وبلىستىڭ سولتۇستىگىندە، ءشولدى اۋداندارىندا توتەنشە ءورت قاۋىپى ساقتالادى.

ايتا كەتسەك، قىزىلوردا وبلىسىنىڭ جالاعاش، ارال، شيەلى، قازالى جانە قارماقشى اۋداندارىندا، ماڭعىستاۋ وبلىسىنىڭ بەينەۋ جانە ماڭعىستاۋ اۋداندارىندا، اتىراۋ وبلىسىنىڭ ماحامبەت، جىلىوي، قۇرمانعازى جانە بالىقشى اۋداندارىندا 2022 جىلعى شىلدە ايىنىڭ ءبىرىنشى ونكۇندىگىندە اتموسفەرالىق قۇرعاقشىلىق كۇتىلۋدە.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز