ونەر • 30 ماۋسىم، 2022

سىرلى اسپاپتاردىڭ سيقىرلى ءۇنى

33 رەت كورسەتىلدى

ۇلتتىق مۋزەيدە ۇلتتىق دومبىرا كۇنىنە وراي مادەنيەت جانە سپورت مينيسترلىگىنىڭ باستاماسىمەن الماتى قالا­سىن­داعى مەملەكەتتىك ورتالىق مۋزەي قورىنداعى قازاق­تىڭ ءداستۇرلى مۋزىكالىق اسپاپتارى كوللەكتسياسى نەگىزىندە جاساقتالعان «سىرلى اسپاپتاردىڭ سيقىرلى ءۇنى» اتتى جىلجىمالى كورمە اشىلدى. شارانىڭ ماقساتى – مادەني ورتالىق الماتى قالاسىندا ورنالاسقان مەملەكەتتىك ورتالىق مۋزەي قورىندا ساقتالىپ، ۇرپاقتان-ۇرپاققا جەتكەن قازاقتىڭ بىرەگەي مۋزىكالىق اسپاپتارىمەن ەلوردالىقتاردى تانىستىرۋ ەكەن.

اتالعان كورمەگە قازاق حال­قىنىڭ مۋزىكالىق اسپاپ­تارىنىڭ – ىشەكتى، ۇرمەلى، تىلشەلى، سوقپالى تۇرلەرىنە جاتاتىن: جەتىگەن، شەرتەر، قوبىز، شاڭقوبىز، اساتاياق، تۇياق، قوڭىراۋ تۇرلەرىمەن قاتار، دومبىرا جاساۋشى قولونەر شە­بەرلەرىنىڭ بۇيىم­دارى بار بار­لىعى 175 جادىگەر كورەرمەن نازارىنا ۇسىنىلدى.

وسىلاردىڭ ىشىندە، اي­گى­لى ءانشى – سازگەر جاياۋ مۇ­سا بايجان ۇلىنىڭ 1955 جى­لى مۋزەي قورىنا ۇلى سا­لىق تاپ­سىرعان دومبىراسى مەن ىشەك­تەرى، جىلقى قى­لى­نان جاسالعان قوبىزى، قا­زاق­تىڭ ۇلى اقىنى اباي قۇنانباي­ ۇلىنىڭ جارى – ءدىلدا الشىنبايقىزىنىڭ 1978 جىلى مۋزەي قورىنا شوبەرەسى ا.ىسقاقوۆ تاپسىرعان قوس ىشەكتى سۇيەكتەلگەن قالاق دومبىراسى، قازاق وپەرا ونەرىنىڭ نەگىزىن سالۋشىلاردىڭ ءبىرى، ايگىلى ءانشى كۇلاش بايسەيىتوۆانىڭ اناسى تاپسىرعان دومبىرا، ت.ب. قويىلدى.

سونىمەن قاتار قازاق تا­ري­حىنداعى شوقتىعى بيىك تۇل­عالار – امىرە قاشاۋباەۆ، ما­­ناربەك ەرجانوۆ، ەلۋباي ومىر­زاقوۆ، قانىش ساتباەۆ، قا­سىم امانجولوۆ، جۇبان مول­داعاليەۆ، كەمەل اقىشەۆ، وز­بەكالى جانىبەكوۆ سىندى عىلىم، مادەنيەت جانە ونەر مايتالماندارىنىڭ مۋزى­كا­لىق اسپاپتارى دا كورەرمەن كوزايىمىنا اينالدى.

وسى ورايدا، مادەني شارا­نى اشىپ ءسوز سويلەگەن ما­دە­­نيەت جانە سپورت ۆيتسە-ءمي­نيسترى نۇرعيسا داۋەشوۆ: «بارشاڭىزدى كەلە جاتقان ۇلت­تىق دومبىرا كۇنى مەرە­كە­سىمەن شىن جۇرەكتەن قۇتتىق­تايمىن. بۇگىن ۇلتتىق مۋزەيدە تۇڭعىش رەت مادەني اس­­تا­نامىز – الماتى قالا­سىن­­داعى مەملەكەتتىك ورتا­لىق مۋزەيىنىڭ «سىرلى اسپاپ­تاردىڭ سيقىرلى ءۇنى» اتتى كورمەسى اشىلۋدا. بۇل كورمە – قالا تۇرعىندارى مەن قوناقتارىنا ەرەكشە اسەر بەرەدى دەپ ويلايمىن. ەكس­پوزيتسيادان ورىن العان ءاربىر تاريحي مۇرانى تاماشالاۋشى­لار قازاقتىڭ ۇلتتىق اسپاپتارى ارقىلى ۇلتتىق ونەرىمىزدى تانىپ، تاريحىمىزدى بىلۋگە ەرەكشە اسەر ەتەدى دەگەن ويدامىن. قازاق مۋزىكاسىن زەرت­تەۋشى كورنەكتى عالىم، ايگى­لى كومپوزيتور احمەت جۇ­با­نوۆ اتامىز ايتقانداي، قازاق­تىڭ دومبىراسىنىڭ ءاربىر پەر­نەسىندە ءبىزدىڭ وتكەن تاريحىمىز، قۋانىشىمىز بەن مۇڭىمىز جاتىر. مادەنيەت جانە سپورت مينيسترلىگى وسىنداي يگى ءىس-شارالاردى تەك دومبىرا كۇنىندە عانا ەمەس، جىل بويى وتكىزەتىن جوسپارلى باع­دارلاما قۇرۋدا. بۇگىنگى كورمە­نىڭ دە سيمۆوليكالىق ءمانى ەرەك­شە. ۇلىلارىمىز ۇستاعان دومبىرالار سول كەزدەگى تاريحىمىزدى ەلەستەتەدى. قازاق بار جەردە دومبىرا ماڭگىلىك. ۇلتىمىزدىڭ وسىنداي كيەلى، قاسيەتتى ونەرى ارقاشان بيىكتە بولسىن!»، دەدى

ءىس-شارا بارىسىندا مۋزىكا­لىق اسپاپ جاساۋدىڭ شەبەرى سابىر ارعىن ارنايى شەبەرلىك ءدارىسىن وتكىزسە، «قاراقات» مەكتەپ ستۋدياسى وقۋشىلارى دومبىرا جانە جەتىگەن ۇلتتىق اسپاپتارىمەن قازاقتىڭ ءان-كۇيلەرىن ورىندادى.

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار