«اقسۋ وزەنىنىڭ تىيىم سالىنعان اۋماعىندا سۋعا ءتۇسىپ, باتىپ كەتكەن ەكى ستۋدەنتتى ىزدەستىرۋ وسىمەن بەسىنشى كۇن جالعاسىپ جاتىر. ىزدەستىرۋگە توتەنشە جاعدايلار دەپارتامەنتى مەن پوليتسيا قىزمەتكەرلەرى جۇمىلدىرىلعان: بارلىعى 58 ادام», دەپ مالىمدەدى تۇركىستان وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
سونىمەن قاتار دەپارتامەنت قىزمەتكەرلەرى وزەن ارناسىنىڭ كانونىن زەرتتەۋ كەزىندە قيىن بولۋىنا بايلانىستى توتەنشە جاعدايلار مينيسترلىگىنە قاراستى «قازاۆياسپاس» اق تىكۇشاعى تارتىلعانىن دا ءتۇسىندىردى.
ەسكە سالايىق, 26 ماۋسىم كۇنى كەشكى ۋاقىتتا تۇركىستان وبلىسى تولەبي اۋدانى, حانارىق اۋىلىنان 5 شاقىرىم جەردە (اقسۋ وزەنىنىڭ اقسۋ شاتقالىندا) 2001 جىلى تۋعان ەكى ستۋدەنت بەلگىسىز جاعدايدا سۋعا باتىپ كەتكەن ەدى.
وڭتۇستىك قازاقستان مەديتسينا اكادەمياسىنىڭ ءبىر توپ ستۋدەنتتەرى (بارلىعى 22 ادام, ءبىر مۇعالىم مەن 21 ءۇندىستان ازاماتى) شىمكەنتتەن كەلگەنى ايتىلدى.
