تاراتىلعان مالىمەتكە قاراعاندا, COVID-19 اۋرۋىنىڭ تارالۋى باسقا ەلدەردە دە ءوسىپ كەلەدى. ماسەلەن, كوروناۆيرۋس ينفەكتسياسىنا قاتىستى الەمدىك ستاتيستيكا دەرەكتەرى بويىنشا سوڭعى 7 كۇندە ىندەت جۇقتىرۋ كورسەتكىشى 15 پايىزعا, ءولىم-ءجىتىم 3 پايىزعا ءوستى.
«سوڭعى اپتادا قازاقستاندا ىندەتتى جۇقتىرۋدىڭ 457 جاعدايىنىڭ 391-ءى نەمەسە 85 پايىزى الماتى جانە نۇر-سۇلتان قالالارىنا تيەسىلى. جۇرگىزىلگەن تالداۋ كەزىندە پاتسيەنتتەردىڭ 80 پايىزى كۆي-گە قارسى ۆاكتسينا الماعان ادامدار ەكەنى, سونداي-اق ۆاكتسينالاۋدان كەيىن 6 ايدان استام ۋاقىت وتكەن ادامدار ەكەنى انىقتالدى. بۇل دەرەكتەر ۆاكتسينالاۋ كۆي ينفەكتسياسىنان قورعاۋدىڭ جانە ۇجىمدىق يممۋنيتەتتى قالىپتاستىرۋدىڭ جالعىز ءتيىمدى قادامى ەكەنىن كورسەتىپ وتىر», دەلىنگەن مينيسترلىك مالىمەتىندە.
قازىر تاۋلىگىنە 20-21 مىڭ ەكپە جاسالادى. وسى باعىتتاعى جۇمىستار جالعاسىپ كەلەدى.
«رەسپۋبليكادا كوروناۆيرۋس ينفەكتسياسىنا قارسى ءۇش ۆاكتسينا بار. جالپى 2,3 ملن دوزا ەكپە قامتاماسىز ەتىلدى. كۆي بويىنشا تۇراقتى ەپيدەميولوگيالىق جاعدايدى قامتاماسىز ەتۋ ءۇشىن ءتيىستى جۇمىستار اتقارىلىپ جاتىر. اسىرەسە, كوروناۆيرۋس اۋرۋى بويىنشا جوعارى تاۋەكەل توبىنا كىرەتىن ادامدار رەۆاكتسيناتسيادان وتكەنى دۇرىس», دەلىنگەن حابارلامادا.
