«كسەلل» اق-عا قاتىستى: ازاماتتاردىڭ ۇيالى بايلانىس وپەراتورلارىنىڭ باعاسىنىڭ وسۋىنە ءجيى جۇگىنۋلەرىنە بايلانىستى باسەكەلەستىكتى قورعاۋ جانە دامىتۋ اگەنتتىگى 2020-2021 جىلدارى ۇيالى بايلانىس جانە ءموبيلدى ينتەرنەت قىزمەتتەرىنىڭ تاريفتەرىن تالدادى. قۇرامىنا «كسەلل» اق جانە «موبايل تەلەكوم-سەرۆيس» جشس كىرەتىن «قازاقتەلەكوم» اق توبىنىڭ (35%-دان استام) ۇستەم جاعدايى انىقتالدى.
«كسەلل» اق تالداۋ كەزەڭىندە ۇيالى بايلانىس (ورتا ەسەپپەن 756 تەڭگە) جانە ءموبيلدى ينتەرنەت (ورتا ەسەپپەن 1765 تەڭگە) قىزمەتتەرىنە ەڭ جوعارى باعا بەلگىلەدى. مىسالى, بىرقاتار وپەراتوردا ۇيالى بايلانىس قىزمەتتەرىنە ەڭ تومەنگى باعا ورتا ەسەپپەن 332 تەڭگەنى, ءموبيلدى ينتەرنەت قىزمەتتەرىنە – ورتا ەسەپپەن 1022 تەڭگەنى قۇرادى.
مونوپولياعا قارسى زاڭنامانى بۇزۋ بەلگىلەرىنىڭ انىقتالۋىنا بايلانىستى, ۇيالى بايلانىس جانە ينتەرنەت قىزمەتتەرىنە مونوپوليالىق جوعارى باعالاردى بەلگىلەۋ بەلگىلەرى بويىنشا «كسەلل» اق-عا قاتىستى تەرگەپ-تەكسەرۋ باستالدى», دەلىنگەن حابارلامادا.
«موبايل تەلەكوم-سەرۆيس» جشس-عا قاتىستى: 2020-2021 جىلدارى SMS-تاراتۋ قىزمەتتەرى نارىعىنداعى باعا مونيتورينگىنىڭ قورىتىندىسى بويىنشا اگەنتتىك باسقا بايلانىس وپەراتورلارىمەن سالىستىرعاندا «موبايل تەلەكوم-سەرۆيس» جشس-نىڭ باعالاردى وسىرگەنىن انىقتادى.
«بايلانىس وپەراتورلارى 2021 جىلى 2020 جىلمەن سالىستىرعاندا SMS-تاراتۋ تاريفتەرىن ورتا ەسەپپەن 14,03%-عا ارتتىرعان. بۇل رەتتە, ەڭ جوعارى ورتاشا باعا «قازاقتەلەكوم» اق توبىنا كىرەتىن «موبايل تەلەكوم-سەرۆيس» جشس-دا جانە «كار-تەل» جشس-مەن سالىستىرعاندا «كسەلل» اق وپەراتورلارىندا تىركەلدى. باعانىڭ ەڭ جوعارى ءوسۋ قارقىنى «موبايل تەلەكوم-سەرۆيس» جشس مەن «كسەلل» اق-دا تىركەلدى.
SMS-تاراتۋ قىزمەتىنە مونوپوليالىق جوعارى باعا بەلگىلەۋ بەلگىلەرى بويىنشا «موبايل تەلەكوم-سەرۆيس» جشس قاتىستى تەرگەپ-تەكسەرۋ باستالدى», دەپ جازدى ۆەدومستۆو.
