ايماقتار • 30 ماۋسىم، 2022

پاۆلودار وبلىسىندا مەملەكەتتىك شەكارانى زاڭسىز وتكەن رەسەيلىك ۇستالدى

42 رەت كورسەتىلدى

قازاقستان رەسپۋبليكاسىندا بولۋ ەرەجەلەرىن بۇزعان شەتەلدىكتەردى انىقتاۋ ماقساتىندا 27 ماۋسىم مەن 4 شىلدە ارالىعىندا پاۆلودار وبلىسىنىڭ اۋماعىندا «نەلەگال-2022» رەسپۋبليكالىق جەدەل-الدىن الۋ ءىس-شاراسى وتكىزىلۋدە، دەپ حابارلايدى Egemen.kz.

وسى كەزەڭدە شەتەلدىك جۇمىس كۇشىن زاڭسىز پايدالانۋ فاكتىلەرىن انىقتاۋعا، شەتەلدىكتەردى ازاماتتىق سوت ءىسىن جۇرگىزۋ تارتىبىمەن شىعارىپ جىبەرۋگە، كوشى-قون زاڭناماسىن بۇزۋدىڭ قىلمىستىق جازالاناتىن فاكتىلەرىن انىقتاۋعا پوليتسەيلەردىڭ ەرەكشە نازارى اۋدارىلاتىن بولادى. سونداي-اق، قوناق ۇيلەر بويىنشا «حالىقتىڭ كوشى-قونى تۋرالى» زاڭ تالاپتارىنىڭ ساقتالۋى تۋرالى ءتۇسىندىرۋ جۇمىستارى جۇرگىزىلۋدە، دەپ پاۆلودار وبلىسى پد كوشى-قون قىزمەتى باستىعىنىڭ م.ا. گومار شاريپيدەنوۆ حابارلايدى.

اتالعان ءىس-شارانىڭ ەكى كۇنىندە 124 شەتەلدىك ازامات ەلدە بولۋ ەرەجەلەرىن بۇزعانى ءۇشىن جازاعا تارتىلدى، ونىڭ 60-ى ەڭبەك قىزمەتى ەرەجەلەرىن بۇزعانى ءۇشىن، 11 جۇمىس بەرۋشى ەڭبەك قاتىناستارىن قامتاماسىز ەتپەگەنى ءۇشىن تارتىلدى.

ماسەلەن، ءنوۆوسىبىر وبلىسىنىڭ 44 جاستاعى تۇرعىنى مەملەكەتتىك شەكارانى اينالىپ ءوتىپ، قازاقستانعا كىرىپ، پوليتسيا قىزمەتكەرلەرىمەن ۇستالدى.

زاڭسىز ەنۋدىڭ ماقساتىن شەتەلدىك ەندى تەرگەۋشىگە تۇسىندىرەتىن بولادى.

سونىمەن قاتار، پاۆلودار قالاسىندا سالىنىپ جاتقان نىسانداردىڭ بىرىندە وزبەكستاننىڭ 8 ازاماتى ءتيىستى رۇقساتسىز قۇرىلىس جۇمىستارىن جۇرگىزگەن.

ەندى ولاردىڭ جالاقىسى ايىپپۇلدى جابۋعا كەتەدى، جۇمىس بەرۋشى دە اكىمشىلىك ايىپپۇلدى كۇتەدى.

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار