اشىلۋ سالتاناتىنا «S.A.S. PCM EUROPE» باس ديرەكتورىنىڭ ورىنباسارى فرەدەريك گاردە, «PCM Kazakhstan» جشس باس ديرەكتورى بەرىك جانسات, فرانتسيانىڭ قازاقستانداعى ەلشىلىگىنىڭ ەكونوميكالىق ماسەلەلەر جونىندەگى اتتاشەسى ۆەنسان بەرجە, ماڭعىستاۋ وبلىسى اكىمىنىڭ ءبىرىنشى ورىنباسارى بەكبول ورىنباساروۆ, «اقتاۋ تەڭىز پورتى» اەا باسقارما توراعاسىنىڭ ورىنباسارى باعلان كەڭپەيىلوۆ جانە «KAZAKH INVEST» ۇك» اق اتىنان ەۋروپا ەلدەرىمەن ىنتىماقتاستىق جونىندەگى جەتەكشىسى انارا مەكەباەۆا مەن ماڭعىستاۋ وبلىسى بويىنشا وڭىرلىك ديرەكتورى ايدىن تۇمىشەۆ قاتىستى.
الەمنىڭ 30 ەلىندە ۇسىنىلعان PCM كومپانياسىنىڭ مۇناي-گاز سالاسىندا 90 جىلدىق تاريحى بار. جالپى, حولدينگ بۇكىل الەم بويىنشا 400 000-نان استام سورعىلاردى ورناتىپ, ونىڭ 3000 قۇرلىق پەن تەڭىز پلاتفورمالارىندا ورنالاسقان.
جوعارى ەكسپورتتىق الەۋەتى بار اقتاۋ قالاسىنداعى زاۋىتتىڭ اعىمداعى وندىرىستىك قۋاتى جىلىنا 800-گە دەيىن بۇرامالى سورعىلار مەن 200 جەتەك شىعارۋعا مۇمكىندىك بەرەدى, بۇل 15 جۇمىس ورنى اشىلادى دەگەن ءسوز. ەكىنشى كەزەڭگە ءوتۋ كەزىندە ءوندىرىستى 1600 بۇرامالى سورعىعا جانە 400 جەتەككە دەيىن, تيىسىنشە ءۇشىنشى كەزەڭدە جىلىنا 2400 بۇرامالى سورعى مەن 600 جەتەككە دەيىن ۇلعايتۋ كوزدەلەدى. بۇل قوسىمشا 100 جاڭا جۇمىس ورنىن قۇرۋعا مۇمكىندىك بەرەدى. PCM ستاندارتتارىنا سايكەس قىزمەتكەرلەر فرانتسيا, كانادا, اۆستراليا جانە وماندا ورنالاسقان دايىندىق ورتالىقتارىندا وقىپ-جاتتىعىپ, بىلىكتىلىگىن ارتتىرادى.
«PCM Kazakhstan» جشس مۇناي-گاز سەكتورىنا ارنالعان جابدىقتى ءوندىرىپ عانا قويماي, بولاشاقتا تاۋ-كەن, تاماق, حيميا ونەركاسىبى سياقتى جانە دە تاعى باسقا يندۋستريالار ءۇشىن اگرەگاتتار ءوندىرىسىن جولعا قويۋدى جوسپارلاپ وتىر.
زاۋىت KAZAKH INVEST جانە قازاقستاننىڭ فرانتسياداعى ەلشىلىگىنىڭ قولداۋىمەن ىسكە قوسىلدى جانە جەرگىلىكتى اتقارۋشى ورگانداردىڭ بەلسەندى ات سالىسۋىمەن جۇزەگە اسىرىلدى.
