قوعام • 29 ماۋسىم، 2022

اۋىلعا مينيستر كەلدى

249 رەت كورسەتىلدى

بايقادىڭىزدار ما، ءبىزدىڭ ۇكىمەت­تىڭ جۇمىس ىستەۋ ءستيلى وزگەرگەن سەكىلدى. كوپ جاعدايدا استاناداعى ات شاپتىرىم كابينەتىنەن التى قادام اتتاپ شىعۋعا ق ۇلىقسىزدىق تانىتاتىن مينيسترلەر قازىر وڭىرلەردى ارالاپ ءجۇر. بۇل – ۇلكەن وزگەرىس. ويتكەنى قارجى مەن بيلىك ورتالىقتا بولعانىمەن، پروبلەمانىڭ ءبارى وڭىرلەردە عوي.

اتالعان وزگەرىستىڭ مەملەكەت باسشىسى قاسىم-جومارت توقاەۆ ايتقان جاڭا قازاقستان – ادىلەتتى قازاقستان تۇجىرىمداماسىنان كەيىن باستاۋ العانى ايتپاسا دا تۇسىنىكتى.

ەستەرىڭىزدە بولسا، پرەزيدەنت بيىلعى ساۋىردە ورتالىق اتقارۋشى ورگاندار باسشىلارىنىڭ حالىقپەن كەزدەسۋلەرىن وتكىزۋ تۋرالى قاۋلىنى بەكىتتى. قاۋلىعا سايكەس، قورعانىس، سىرتقى ىستەر مينيسترلىك­تەرىنەن باسقا ۆەدومستۆولاردىڭ باسشىلارى جىل بويى حالىقپەن تۇراقتى كەزدەسۋلەر وتكىزۋى كەرەك.

سونداي-اق ولار قانداي دا ءبىر وڭىردە جەتەكشىلىك ەتەتىن سالا بويىنشا جاعدايدىڭ ناشارلاۋ تاۋەكەلدەرى بولجانعان نە تۋىنداعان جاعدايدا، حالىقپەن كەستەدەن تىس كەزدەسۋ وتكىزۋگە مىندەتتى.

سونىمەن قاتار ونلاين-ترانسلياتسيالار، قاجەت بولعان جاعدايدا بەينەكونفەرەنتسبايلانىس ۇيىمداستىرۋ ارقىلى كەزدەسۋلەر وتكىزۋ جاعىن دا قاراستىرۋى كەرەك. قاۋلىدا كورسەتىلگەندەي، كەزدەسۋ ءۇشىن جوسپارلانعان ۋاقىتتىڭ تورتتەن بىرىنەن اسپايتىن بولىگىن بايانداماعا، قالعان بولىگىن «سۇراق-جاۋاپ» فورماتىنا ارناۋى كەرەك.

پرەزيدەنتتىڭ وسى ءبىر باستاماسى ءوز جەمىسىن بەرىپ جاتىر دەپ ايتۋعا تولىق نەگىز بار. ماسەلەن، وسى ايدىڭ باسىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆتىڭ باتىس قازاقستان جانە اتىراۋ وبلىستارىنا بارىپ، باس-باسىنا بي بولعان جول سالۋشى مەردىگەرلەردى «ورنىنا قويعانىن» كوردىك. ورال مەن اتىراۋ اراسىن كولىكپەن ءجۇرىپ ءوتىپ، جوندەۋ جۇمىستارىمەن ءجىتى تانىسىپ قايتقانىن ەستىگەندە ءىشىمىزدىڭ جىلىپ قالعانى جانە راس.

سول سەكىلدى وسى ايدىڭ ورتا تۇسىندا اقپارات جانە قوعامدىق دامۋ ءمينيسترى اسقار وماروۆتىڭ اقتوبەگە بارعان ساپارىن Facebook ارقىلى قاداعالاپ وتىردىق. ادەتتە قوعامدا مينيسترلەر وبلىس ورتالىعىنان ارىگە بارمايدى دەگەن تۇسىنىك قالىپتاسقان عوي. اقپارات ءمينيسترى ىرعىز اۋدانىنا بارىپ، ودان الىستاعى العا دەگەن اۋىلدىڭ حالقىمەن جۇزدەسىپ، «توت باسقان» تۇسىنىكتى توتىنان ارىلتقانداي بولدى. مينيستر اسقار وماروۆپەن كەزدەسكەن العا جاستارىنىڭ ەندىگى ءومىرى دە بۇرىنعىداي بولماسى انىق.

تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ سوڭعى ءبىر ايدا اقتوبە جانە پاۆلودار وبلىستارىنا بارعانىن، حالىقپەن بىرنەشە كەزدەسۋ وتكىزگەنىن كورىپ قۋاندىق.

شىنىندا دا، مينيسترلەردىڭ اۋدان-اۋىلدى ارالاۋى بيلىك پەن بۇقارا ارا­سىنداعى الشاقتاپ كەتكەن بايلانىستى جاقىنداستىرىپ، نىعايتا تۇسەرى اقيقات. ەڭ باستىسى، حالىقتىڭ بيلىككە دەگەن سەنىمىن ارتتىرارى داۋسىز. سەنىمنەن ۇلكەن ەشتەڭە جوق ەكەنىن ەسكەرسەك، ۇكىمەت جۇمىسىنداعى وڭ وزگەرىستەر جاقسىلىقتىڭ اۋىلىنا باس­تايدى دەگەن ۇمىتتەمىز.

مينيسترلەر وڭىرلەردى ءجيى ارالاپ، اۋدان-اۋىل­دى تەگىس قامتۋ ارقىلى جەر­­گىلىكتى جەر­دەگى وزەكتى پروبلەمالارمەن جەتە تا­نىسادى. جاعدايعا سىرتتاي قانىق­قانان گورى، كوزبەن كورىپ، جۇرەكپەن سەزىن­گەن، جەرگىلىكتى حالىقتىڭ ۇنىنە قۇلاق تۇر­گەن الدەقايدا جاقسى عوي. سوندا ماسە­لە­نىڭ شەشۋ جولدارىن تابۋ دا وڭايعا تۇسەدى.

ءبىز «بۇرىنعى مينيسترلەر وڭىرلەرگە بارمايتىن ەدى» دەۋدەن اۋلاقپىز. ولار دا شاما-شارقىنشا اۋدان-اۋىلدى ارالاعانى داۋسىز. بىراق ولاردىڭ جولى قازىرگىدەي ءجيى تۇسە بەرمەگەنى بەلگىلى. بالكىم، ونداي قاجەتتىلىك تە بولماعان شىعار.

وسى ورايدا تاعى ءبىر جايدى ايتىپ وتپەسكە بولمايدى. مينيستر سەكىلدى مارتەبەلى مەيمانداردىڭ بارىس-كەلىسى وڭىردەگى شەنەۋنىكتەردى ابىگەرگە تۇسىرەتىنى جانە بار. مينيستر – قاتارداعى كوپ قوناقتىڭ ءبىرى ەمەس. سوندىقتان جەرگىلىكتى باسشىلىق ولاردى جاقسىلاپ كۇتىپ الۋعا، ءيىلىپ جاستىق، جايىلىپ توسەك بولۋعا تىرىسادى. ونىڭ استارىندا «وڭىرگە وڭ كوزبەن قاراي ءجۇرسىن» دەگەن تىلەك جاتقانى ايتپاسا دا تۇسىنىكتى عوي. وكىنىشتىسى، قوناق كۇتۋگە بيۋدجەتتە قارجى قاراستىرىلماعاندىقتان، شەنەۋنىكتەر كوپ جاعدايدا كاسىپكەرلەردىڭ كومەگىنە جۇگىنەدى. سىبايلاس جەمقورلىقتىڭ ءبىر سەبەبى دە وسىندا جاتقانداي. ول ەندى بولەك اڭگىمە...

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار