سپورت • 29 ماۋسىم، 2022

باتىرمۇرزاەۆتىڭ باعى جاندى

86 رەت كورسەتىلدى

ەركىن كۇرەستەن قاراعاندىدا ۇيىمداستىرىلعان قازاقستان چەمپيوناتى ءوز مارەسىنە جەتتى. جارىستىڭ ەكىنشى كۇنى ءبىز تاعى بەس سالماق دارەجەسى بويىنشا وتكەن باسەكەلەردى تاماشالادىق. بۇل جولى جانكۇيەرلەر الىپتاردىڭ ايقاسىن تاعاتسىزدانا كۇتتى. كوپشىلىك جورامالداعانداي، باس جۇلدەنى ەلىمىزدىڭ ەڭ بەلدى ەكى بالۋانى – يۋسۋپ باتىرمۇرزاەۆ پەن ولەگ بولتين ءوزارا ساراپقا سالدى.

داڭقتى داۋلەت شابانباي ۇلكەن سپورتتان قول ۇزگەننەن كەيىن اسا اۋىر سالماقتىڭ تىزگىنىن ولەگ بولتين ءوز قولىنا العان ەدى. ەل­ىشىلىك جارىستاردا قارسىلاس شىداتپاي، حالىقارالىق ارەنادا دا ەلەۋلى تابىستارعا قول جەتكىزدى. شامامەن سول كەزدەرى داعىستاننان قازاقستانعا يۋسۋپ باتىرمۇرزاەۆ ەسىمدى بالۋا­ن قونىس اۋداردى. قاپ تاۋى بوك­تەرىندە تۋىپ-وسكەن نوعاي جىگىتى دە بىردەن جاقسى ناتيجەلەر كورسەتە باستادى. وسىلايشا، جو­عارىدا ەسىمدەرى اتالعان قوس سپورتشى اراسىندا ىمىراسىز باسەكە ءوربىدى. حالىقارالىق دودالاردا ەكەۋى دە ءتاۋىر كۇرەستى. 2020 جىلى يۋسۋپ نيۋ-دەليدە ازيا چەمپيونى اتانسا، ولەگ 2021 جىلى الماتىدا ءدال سول اتاققا قول جەتكىزدى. سول تۇستا ۇلت­تىق قۇراما باپكەرلەرىنىڭ «تو­كيو وليمپياداسىنا قايسىسىن اپار­عانىمىز ءجون؟» دەگەن ساۋالعا ءبىراز باس قاتىرۋىنا تۋرا كەلدى. سو­دان ولار رەيتينگتىك تۋرنيرگە باتىر­مۇرزاەۆتى قوستى. الما­تىدا ول ەل سەنىمىن اقتاپ، التىن تۇ­عىر­عا كو­تەرىلدى. ناتيجەسىندە، يۋسۋپ وليم­پيا ويىندارىنا ات­تان­سا، ولەگ ەلدە قالدى.

كەلەسى وليمپيالىق تسيكلدە ءوز مۇمكىندىگىن قالت جىبەرمەۋگە بەكىنگەن بولتين قاراعاندىدا بارىن سالدى. شىعىس قازاقستان وب­لىسىنىڭ وكىلى بارلىق قارسى­لاسىن سىپىرا ۇتتى. فينالدا ونى باتىرمۇرزاەۆ كۇتىپ تۇردى. ەكەۋارا تارتىس تەك تىرەسۋمەن ءوتتى. العاشقى ۇپايدى ولەگ السا، ەكىنشى كەزەڭدە اقتوبەدەن كەلگەن الىپتىڭ اسىعى الشىسىنان ءتۇستى. ءسويتىپ، يۋسۋپ باتىرمۇرزاەۆ ءوزىنىڭ مىق­تىلىعىن دالەلدەپ، كەزەكتى رەت ەل چەمپيونى اتاندى.

مايتالمان ماماندار 92 كيلو سالماق دارەجەسىندەگى باسەكەگە دە ايرىقشا نازار اۋداردى. بارلىق قارسىلاسىن قاپى قالدىرعان ادىلەت داۋلىنباەۆ پەن نۇرعالي نۇرعايىپ ۇلى فينالدا جولىقتى. بۇل كەزدەسۋدىڭ ءفاۆوريتى الماتى قالاسىنىڭ وكىلى ەدى. ادىلەتتىڭ ازيا ويىندارى مەن قۇرلىق چەمپيوناتىنىڭ جۇلدەگەرى دەگەن اتاقتارى بار. نۇرعالي نۇر-سۇلتانداعى الەم چەمپيوناتىندا بەسىنشى ورىنعا تابان تىرەگەن. باسەكە بارىسىندا 3:1 ەسەبىمەن ۇتىپ جاتقان استانالىق بالۋا­ن بوزكىلەمنىڭ سىرتىنا قۇلاپ، اياعىن اۋىرتىپ الدى. سول كەزدە داۋ­لىن­باەۆ تارازى باسىن تەڭەس­تىر­دى. دەسەك تە، جاراقاتى جانىنا باتسا دا، جانكەشتىلىك تانىتقان نۇر­عايىپ ۇلى جەڭىستى اتاقتى قار­­سىلاسىنىڭ ۋىسىنان ج ۇلىپ اكەتتى.

وزگە سالماق دارەجەلەرىنىڭ فينالدىق سايىستارى دا قىزىق­تى ءوتتى. 65 كيلو سالماقتا قارا­عاندىلىق ءادىل وسپانوۆ وزدى. اقتىق سايىستا ول الماتىلىق اۋەز سەيىتباەۆتان ايلاسىن اسىردى.

70 كيلو سالماقتا اتىراۋلىق سىرباز تالعاتقا تەڭ كەلەر ەشكىم تابىلمادى. شەشۋشى تۇستا سىرباز جەرگىلىكتى بالۋان عالىمجان يبا­دۋل­لادان باسىم ءتۇستى. 86 كيلو سال­ماقتىڭ باس جۇلدەسى ءۇشىن اق­توبەلىك ابىلايحان نۇرسۇل­تانوۆ پەن ورالدىق نۇرجات يساعا­ليەۆ بەلدەستى. بۇل تارتىس العاش­قى­سى­نىڭ پايداسىنا شەشىلدى.

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار