قوعام • 29 ماۋسىم، 2022

العاش رەت جەر ۋچاسكەلەرى ونلاين اۋكتسيوندا ساتىلىپ جاتىر

20 رەت كورسەتىلدى

قازاقستاندا العاش رەت جەر ۋچاسكەلەرى ونلاين اۋكتسيوندا ساتىلىپ جاتىر، دەپ حابارلايدى Egemen.kz.

قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى «ازاماتتارعا ارنالعان ۇكىمەت» مەملەكەتتىك كورپوراتسياسىمەن، اۋىل شارۋاشىلىعى، ادىلەت مينيسترلىكتەرىمەن، «ۇلتتىق اقپاراتتىق تەحنولوگيالار» اق-مەن جانە وبلىستىق اكىمدىكتەرمەن بىرلەسىپ، ەلەكتروندى ساۋدا-ساتتىق ارقىلى مەملەكەت مەنشىگىنەن جەر ۋچاسكەسىن بەرۋ جوباسىن ىسكە قوستى.

22-24 ماۋسىمدا قىزىلوردا وبلىسىنداعى ەكى جەر ۋچاسكەسى ءساتتى ساتىلدى. ونىڭ ءبىرى باستاپقى باعاسى 1،5 ملن تەڭگە بولعان كەزدە «ەلەكتروندى» بالعا ارقىلى 2،8 ملن تەڭگەدەن استام قارجىعا، ال ەكىنشىسى 246 مىڭ تەڭگەگە، 396 مىڭ تەڭگەگە ساتىلدى.

اقتوبەدە تاعى ءۇش جەر تەلىمى ساۋداعا شىعارىلدى، اۋكتسيون 8 شىلدەگە بەلگىلەندى. بۇدان بولەك، الماتى وبلىسىندا ەكى جەر ۋچاسكەسىن ساتۋ جوسپارلانعان.

جوبانىڭ ماقساتى - كليەنتتەر ءۇشىن دە، مەملەكەتتىك ورگاندار مەن ۆەدومستۆولار ءۇشىن دە بيزنەس-پروتسەستەردىڭ بارلىق سپەكترىن اۆتوماتتاندىرۋ. بۇل رەتتە سۋبەكت ءوزىنىڭ جۇگىنۋ بارىسىن تۇپكىلىكتى ناتيجەگە دەيىن باقىلاي الۋى ءتيىس. ساۋدا-ساتتىققا قازاقستاننىڭ بۇكىل ازاماتتارى قاتىسا الادى. ونلاين-اۋتسيون مەملەكەتتەن جەر ساتىپ الۋ پروتسەسىن اشىق ءارى تۇسىنىكتى ەتۋگە، سونداي-اق وسى سالاداعى سىبايلاس جەمقورلىق دەڭگەيىن تومەندەتۋگە سەپتىگىن تيگىزەدى. اتالعان تاجىريبە بۇكىل رەسپۋبليكا بويىنشا تاراتىلادى.

سونداي-اق، «ازاماتتارعا ارنالعان ۇكىمەت» مەملەكەتتىك كورپوراتسياسى اكىمدىكتەرمەن بىرلەسىپ جىلجىمايتىن م ۇلىكتىڭ بىرىڭعاي مەملەكەتتىك كاداسترىن ەنگىزۋ جۇمىسىمەن اينالىسىپ جاتىر.

مەملەكەتتىك جەر كاداسترىنىڭ اۆتوماتتاندىرىلعان اقپاراتتىق جۇيەسى مەن «جىلجىمايتىن م ۇلىك تىركەلىمى» مەملەكەتتىك دەرەكتەر قورىنىڭ شاشىراپ جاتقان 226 بازاسى وسىندا توعىستىرىلعان. جەر قورى مەن جىلجىمايتىن م ۇلىك نىساندارى تۋرالى اقپاراتتى ونلاين جۇمىس ىستەيتىن جاريا كاداسترلىق كارتادان الۋعا بولادى.

سونداي-اق «ازاماتتارعا ارنالعان ۇكىمەت» مەملەكەتتىك كورپوراتسياسى جەرگە ورنالاستىرۋ جوباسىن ازىرلەۋدەن باستاپ قۇقىقتاردى تىركەي وتىرىپ، جەر ۋچاسكەسىنە اكتىنى دايىنداۋعا دەيىن جەر ۋچاسكەسىنە قاجەتتى قۇجات اينالىمىنىڭ تولىق تسيكلىن قامتاماسىز ەتەدى.

جەر كاداسترى دەپارتامەنتتەرى 10 مەملەكەتتىك قىزمەت كورسەتەدى: جەر جوبالارىن جاساۋ; جەر ۋچاسكەلەرىنىڭ شەكارالارىن بەلگىلەۋ; جەر ۋچاسكەلەرىن كولدەنەڭ جانە بيىكتىكتەن ءتۇسىرۋ; اۋىل شارۋاشىلىعى جەرلەرىنە تۇگەندەۋ جۇرگىزۋ; جەر ۋچاسكەلەرى ءۇشىن تولەماقىنىڭ بازالىق ستاۆكالارىن ەسەپتەۋ; باعالاۋ ايماقتارىنىڭ شەكارالارىن قۇرۋ; ب ۇلىنگەن جەرلەردى قالپىنا كەلتىرۋ جوبالارى; اەروفوتوتۇسىرىلىم جۇمىستارى; كوندومينيۋم وبەكتىلەرىندەگى جەر ۋچاسكەسىنىڭ ۇلەسىن ەسەپتەۋ; جەر-كاداسترلىق قۇجاتتاردىڭ كوشىرمەلەرىن بەرۋ جانە تاعى باسقالار.

سونداي-اق كليەنتتەرگە ىڭعايلى بولۋ ءۇشىن، جەر كاداسترى بويىنشا قىزمەت كورسەتەتىن قىزمەتكەرلەر بۇرىنعىداي جەكە عيماراتتاردا ەمەس، حقو-دا ورنالاسقان.

ايانا توعانبەك

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار