قازاقستان • 29 ماۋسىم، 2022

اسىل تۇقىمدى مال شارۋاشىلىعى تۋرالى زاڭ جوباسى ماقۇلداندى

15 رەت كورسەتىلدى

ءماجىلىس اسىل تۇقىمدى مال شارۋاشىلىعى ماسەلەلەرى تۋرالى زاڭ جوباسىن ماقۇلدادى، دەپ حابارلايدى Egemen.kz.

«زاڭ جوباسىنىڭ ءبىرىنشى وقىلىمىندا ءماجىلىس توراعاسى بەرگەن تاپسىرماعا سايكەس، زاڭ جوباسىنا اسىل تۇقىمدى مال شارۋاشىلىعى سۋبەكتىلەرىنىڭ قىزمەتىن جۇزەگە اسىرۋ تاسىلدەرىن وزگەرتۋ، سىبايلاس جەمقورلىق تاۋەكەلدەرىن بولدىرماۋ، اۋىل شارۋاشىلىعى بەيىنىندەگى عىلىمي ۇيىمداردىڭ قىزمەتىن كەڭەيتۋ جانە تۇتاستاي العاندا ءوسىرىلىپ وتىرعان مال تۇقىمدارىنىڭ گەنەتيكالىق الەۋەتى مەن ونىمدىلىگىن ارتتىرۋ، ولاردىڭ باس سانىن ۇلعايتۋ ماقساتىندا سەلەكتسيالىق-اسىل تۇقىمدىق جۇمىستى دامىتۋ جونىندە تۇزەتۋلەر ەنگىزىلدى. سونىمەن قاتار، زاڭ جوباسىمەن جۇمىس ىستەۋ بارىسىندا دەپۋتاتتار ونىڭ مازمۇنىن ناقتىلاۋعا جانە جاقسارتۋعا باعىتتالعان تۇزەتۋلەر ەنگىزدى»، دەدى ءماجىلىس دەپۋتاتى، اگرارلىق ماسەلەلەر كوميتەتىنىڭ مۇشەسى اسقاربەك ۇيسىمباەۆ.

اتاپ ايتقاندا، اسىل تۇقىمدى مال شارۋاشىلىعى سالاسىنداعى سۋبەكتىلەر قىزمەتىنىڭ حابارلاما جاساۋ ءتارتىبى اسىل تۇقىمدى ورتالىق، اسىل تۇقىمدى مالدىڭ ۇرىعى مەن ەمبريوندارىن وتكىزۋ جونىندەگى ديستريبيۋتەرلىك ورتالىق، بونيتەر، ۇرىقتاندىرۋشى-تەحنيك جانە ەمبريونداردى تراسپلانتتاۋ جونىندەگى مامان ءۇشىن ساقتالدى.

بۇدان باسقا، جانۋارلاردىڭ گەنومدىق باعالاۋى مەن مولەكۋليارلىق-گەنەتيكالىق باعالاۋىن جۇرگىزۋ جونىندەگى ەرەجەلەر رەگلامەنتتەلگەن، بۇل جانۋارلاردىڭ نەگىزگى شارۋاشىلىق بەلگىلەرى بويىنشا سەلەكتسيانى ەداۋىر ارتتىرۋعا مۇمكىندىك بەرەدى. مالدىڭ ونىمدىلىگى مەن اسىل تۇقىمدىق ساپاسىن ارتتىرۋ ءۇشىن اسىل تۇقىمدى ءونىمدى – ۇرىق پەن ەمبريونداردى پايدالانۋعا جانە وتكىزۋگە قاتىستى نورمالار رەگلامەنتتەلگەن.

سونىمەن قاتار زاڭ جوباسىندا اسىل تۇقىمدى ەمەس، بىراق سەلەكتسيالىق پروتسەسكە تارتىلعان جانە اسىل تۇقىمدى ءىستىڭ دامۋىنا تىكەلەي اسەر ەتەتىن جانۋارلاردى ەسەپكە الۋ بويىنشا نورمالار كوزدەلگەن.

دەپۋتاتتار رەسپۋبليكالىق پالاتالاردىڭ قىزمەتىن جەتىلدىرۋ بويىنشا تۇزەتۋلەر ەنگىزدى. اسىل تۇقىمدى مال شارۋاشىلىعى سالاسىنداعى زاڭبۇزۋشىلىقتاردىڭ دەر كەزىندە جولىن كەسۋ جانە ولارعا جول بەرمەۋ ءۇشىن ۋاكىلەتتى ورگان ۆەدومستۆوسىنىڭ باقىلاۋ سۋبەكتىسىنە بارماي، پروفيلاكتيكالىق باقىلاۋ جۇرگىزۋ كوزدەلگەن.

رەسپۋبليكالىق پالاتالار دا اسىل تۇقىمدى جانە ديستريبيۋتەرلىك ورتالىقتار، بيۋدجەتتىك سۋبسيديالار العان جەكە جانە زاڭدى تۇلعالارمەن قاتار پروفيلاكتيكالىق باقىلاۋ سۋبەكتىلەرى بولىپ سانالادى.

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار