«بۇگىنگى تالقىلاۋلاردى قورىتىندىلاي كەلە كەلەسى ماسەلەلەرگە توقتالۋدى ءجون كوردىم. بىرىنشىدەن, مەملەكەت باسشىسى ايتقانداي, سالىق جۇيەسىن تۇراقتى ءارى تۇسىنىكتى ەتۋ – باستى مىندەت. ياعني, بىزدە ناقتى تاپسىرما بار. سالىق زاڭناماسىنىڭ نەگىزگى ولشەمدەرىن تۇراقتاندىرۋ كەرەك. بۇل ءبىرنىشى كەزەكتە بيزنەستى قولداۋ ءۇشىن قاجەت. بيزنەس سالىق جۇيەسىندە ۇدايى بولاتىن وزگەرىستەردەن كۇيزەلىسكە تۇسپەۋى كەرەك», دەدى ەرلان قوشانوۆ.
ءماجىلىس سپيكەرى سالىق جۇيەسىنىڭ تۇراقتىلىعى دەگەن بۇگىنگى ولشەمدەردى سول كۇيىندە قالدىرۋ ەمەس ەكەنىن ەسكەرتتى.
«ۇكىمەتتىڭ بۇگىن ايتقان قوسىمشا قۇن سالىعى مەن كورپوراتيۆتىك تابىس سالىعىن كوتەرۋ تۋرالى ۇسىنىستارىن تۇراقتىلىققا ارنالعان ۇسىنىس دەۋگە كەلمەيدى. تۇراقتىلىق دەگەن مولشەرلەمەلەردىڭ ولشەمى ەمەس, كەرسىنشە ونى تۇراقتى ۇستاۋ دەگەندى بىلدىرەدى. تىم بولماعاندا ورتاشا ينۆەستيتسيالىق مەرزىمگە, مىسالى 3 جىلعا بەلگىلەنۋى قاجەت. بۇل ينۆەستورلارعا دا, كاسىپكەرلەرگە دە تۇسىنىكتى بولاتىن ەدى», دەپ تۇيىندەدى ءماجىلىس توراعاسى.
