«بيىل AIX جانە KASE الاڭىندا ءبىزدىڭ كومپانيانىڭ IPO وتەتىنىن جاريالايمىز. ءبىز الەۋەتتى ينۆەستورلار تاراپىنان قۇرىلىم مەن قىزىعۋشىلىققا قاتىستى تەرەڭ تالداۋ جۇرگىزدىك. قازىر نارىقتى باعالاۋ بويىنشا جۇمىستى اياقتاپ جاتىرمىز, دامۋ جاعىنان ۇلكەن الەۋەتتى كورىپ وتىرمىز», دەدى «سامۇرىق-قازىنا» ۇلتتىق ءال-اۋقات قورىنىڭ باسقارما توراعاسى الماسادام ساتقاليەۆ ەلوردادا ءوتىپ جاتقان «Astana Finance Days» V حالىقارالىق كونفەرەنتسياسىنىڭ پانەلدىك سەسسياسىندا سويلەگەن سوزىندە.
ۇلتتىق ءال-اۋقات قورىنىڭ باسشىسى قازاقستاندىقتاردى مۇناي-گاز كومپانياسىنىڭ اكتسيالارىن ساتىپ الۋعا شاقىردى. اتالعان پروتسەستە بيرجالار, بروكەرلەر مەن «قازپوشتانىڭ» ينفراقۇرىلىمى قولدانىلماق. سونداي-اق ا. ساتقاليەۆ اir Astana كومپانياسىنىڭ IPO-عا شىعۋ جونىندەگى شەشىم تۋرالى حابارلادى. ونىڭ ايتۋىنشا, اتالعان اۋەكومپانيا بارلىق پورتفەلدىك كومپانيالار اراسىندا IPO-عا بارىنشا دايىندالعان. بىراق الەمدەگى قازىرگى جاعدايعا, ونىڭ ىشىندە ەۋرازيانىڭ ەۋروپالىق بولىگىندەگى قاقتىعىسقا بايلانىستى, بيىل IPO-عا شىقپاۋ جانە كەلەسى ينۆەستيتسيالىق مۇمكىندىكتى كۇتۋ تۋرالى شەشىم قابىلداندى.
«بۇل رەتتە ءبىز كومپانيانىڭ كاپيتالىنا بەلگىلى ءبىر شارتتاردى ۇسىنا الاتىن الەۋەتتى, ستراتەگيالىق ينۆەستورلارمەن بەلسەندى جۇمىستى باستاپ كەتتىك», دەپ ءتۇسىندىردى «سامۇرىق-قازىنا» باسشىسى.
ودان بولەك, ۇلتتىق قور باسشىسى «QazaqAir» اۋەكومپانياسىنىڭ قامتۋ كولەمىنە قاراي ءىرو-عا شىعۋ يدەياسىنان باس تارتاتىنىن ايتتى. ايتۋىنشا, قازىر جەكەشەلەندىرۋ پروتسەسى ءجۇرىپ جاتىر. ياعني نارىقتىڭ نەگىزگى ويىنشىلارىمەن جۇرگىزىلگەن كەلىسسوزدەردىڭ قورىتىندىسى بويىنشا بىرنەشە جەتەكشى, الەمدىك اۋەكومپانيامەن قۇپيالىلىق تۋرالى كەلىسىمدەرگە قول قويىلدى.
ا.ساتقاليەۆ «QazaqGaz» ۇلتتىق كومپانياسىنىڭ IPO-عا شىعۋ مۇمكىندىگى جايلى ايتتى.
«بۇل ماسەلە قازاقستاندى گازبەن جابدىقتاۋ جانە ەكسپورتتىق نارىقتى دامىتۋ جونىندەگى جالپىۇلتتىق جوسپارعا ەنگەن رەسۋرستىق بازانى كەڭەيتۋدەن, ءىرى ينفراقۇرىلىمدىق جوبالاردى ىسكە اسىرۋدان كەيىن قارالادى. سالانى رەتتەۋگە قاتىستى ۇكىمەتپەن بىرلەسىپ اۋقىمدى جۇمىس اتقارۋ كەرەك. اتاپ ايتقاندا, ىشكى نارىق باعاسىن بەلگىلەۋ مەن نارىققا قاتىسۋشىلار اراسىنداعى ءوزارا قارىم-قاتىناس, ەۋرازيا كەڭىستىگىندە بىرىڭعاي نارىق قۇرۋ پەرسپەكتيۆالارى. وسى جۇمىستىڭ قورىتىندىسى بويىنشا اتالعان كومپانيا IPO-عا شىعادى دەپ كۇتەمىز. بۇل - ءبىزدىڭ جوسپارىمىز», دەدى ول.
