«نەكە جانە وتباسى تۋرالى» قر كودەكسىنىڭ 196-بابىنا سايكەس تاۋىپ الىنعان, تاستاپ كەتكەن بالانىڭ تۋى ىشكى ىستەر ورگاندارىنىڭ, قورعانشىلىق نەمەسە قامقورشىلىق جونىندەگى فۋنكتسيالاردى جۇزەگە اسىراتىن ورگاننىڭ, بالا ورنالاسقان ءبىلىم بەرۋ ۇيىمى نەمەسە مەديتسينالىق ۇيىم اكىمشىلىگىنىڭ ءوتىنىشى بويىنشا انىقتالعان كۇننەن باستاپ 7 تاۋلىكتەن كەشىكتىرىلمەي تىركەلۋگە ءتيىس», دەلىنگەن الماتى قالاسىنىڭ پروكۋراتۋراسى تاراتقان حابارلامادا.
«بۇقارالىق اقپارات قۇرالدارى تۋرالى» زاڭنىڭ 2-بابىنىڭ 4-تارماعىنا سايكەس قىلمىستىق جانە اكىمشىلىك قۇقىق بۇزۋشىلىقتار جاساۋ ماقساتىندا بۇقارالىق اقپارات قۇرالدارىن پايدالانۋعا تىيىم سالىنادى.
الاتاۋ اۋدانىنىڭ پروكۋرورى سايتتى زاڭسىز دەپ تانۋ جانە ونىڭ قازاقستان اۋماعىنداعى قىزمەتىن توقتاتۋ تۋرالى ارىزبەن سوتقا جۇگىندى. سوت قاداعالاۋ ورگانىنىڭ ءوتىنىشىن قاناعاتتاندىردى.
ماتەريالدار قۇقىق قورعاۋ ورگاندارىنا قر قك 128-بابىندا - ادام ساۋداسى بويىنشا كوزدەلگەن قىلمىستى جاساۋ مانىنە تەكسەرۋ جۇرگىزۋ ءۇشىن جىبەرىلدى.
اتالعان باب بويىنشا قىلمىستىق قۇقىق بۇزۋشىلىق جاساعانى ءۇشىن مۇلكى تاركىلەنىپ, 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن.
