شارۋا قوجالىعى اسان اۋىلدىق وكرۋگىندە تىركەلگەن. قوجالىق جەتەكشىسى ءمانسيا ءابىلحايىروۆانىڭ ايتۋىنشا, «ەلەكتروندى باقتاشى» قۇرىلعىسىن ىسكە قوسۋ ءۇشىن گەرمانيادان ءتورت شاعىن ەلەكتر ستانساسىن ساتىپ العان. ءار ستانسا كۇن كوزىنەن قۋات الادى.
– ءبىزدىڭ قوجالىقتا 400-دەن استام ءمۇيىزدى ءىرى قارا بار. ماقساتىمىز – تۇرعىنداردى ساپالى ونىممەن قامتۋ. يەلىگىمىزدەگى 12 شاقىرىمدىق جايىلىمدى ەلەكتر جەلىسىنە قوسىلعان سىممەن بىرگە تارتىلعان جىپپەن قورشادىق. بۇل جوبانىڭ وزىندىك ەرەكشەلىگى بار. بىرىنشىدەن, مالىمىزدى ۇرىدان, ەكىنشىدەن, يت-قۇستان قورعاۋعا مۇمكىندىك الىپ وتىرمىز. ارنايى ماماندارىمىز «ەلەكتروندى باقتاشىنىڭ» ۇزدىكسىز جۇمىس ىستەۋىن ۇنەمى باقىلايدى, – دەيدى م.ءابىلحايىروۆا.
اتىراۋ وبلىسى
