ىزدەۋ جۇمىستارىن تۇركىستان وبلىسى تجد قۇتقارۋشىلارى جۇرگىزىپ جاتىر.
2022 جىلدىڭ 26 ماۋسىمىندا ساعات 20.10-دا تۇركىستان وبلىسى تجد كەزەكشى-ديسپەتچەرلىك قىزمەتىنىڭ پۋلتىنە ساعات 16.49-دا تولە بي اۋدانىنىڭ حانارىق اۋىلىنان 5 شاقىرىم جەردە ورنالاسقان اقسۋ شاتقالىنداعى اقسۋ وزەنىندە 2001 جىلعى 2 ستۋدەنتتىڭ بەلگىسىز جاعدايدا سۋعا ءتۇسىپ, باتىپ كەتكەنى تۋرالى اقپارات تۇسكەن.
«21 ستۋدەنتتەن قۇرالعان توپ شىمكەنتكە كەلگەن ەكەن. بارلىعى ءۇندىستان رەسپۋبليكاسىنىڭ ازاماتتارى, وڭتۇستىك قازاقستان مەديتسينا اكادەمياسىنىڭ ستۋدەنتتەرى. ىزدەستىرۋ-قۇتقارۋ جۇمىستارىنا تۇركىستان وبلىسى تجد 19 قىزمەتكەر, 1 ءجۇزۋ قۇرالى جانە 4 تەحنيكا, پوليتسيا دەپارتامەنتىنەن 10 قىزمەتكەر جانە 5 تەحنيكاسى جۇمىلدىرىلدى», دەلىنگەن حابارلامادا.
تۇركىستان وبلىسى تجد وكىلدەرى سۋداعى قاۋىپسىزدىك شارالارىن ساقتاۋعا كەڭەس بەردى.
