دودا ەرەجەسىنە سايكەس ءساۋىر-مامىر ايلارىندا اۋىل, اۋدان, وبلىستىق (قالالىق) دەڭگەيدەگى جانە كۇشتىك قۇرىلىمدار جەلىسى اراسىندا ىرىكتەۋ جارىستارى تولىعىمەن ءوتىپ, وعان ەلىمىز بويىنشا بەس مىڭعا جۋىق سپورتشى قاتىستى. سونىڭ ىشىنەن 36 بالۋان اقتىق سىنعا جولداما الدى.
ولاردىڭ ىشىندە وسىعان دەيىن جەڭىس تۇعىرىنان كورىنگەن مۇحيت تۇرسىنوۆ, ەلامان ەرعاليەۆ, ەراسىل قاجىباەۆ, عالىمجان قىرىقباەۆ بار. بۇدان بۇرىن وتكەن جىلدىڭ جەڭىمپازى داۋرەن نۇرالينوۆ جاراقاتىنا بايلانىستى تۋرنيرگە قاتىسپايتىنىن مالىمدەگەن ەدى. ال ەكى دۇركىن «قازاقستان بارىسى» اتانعان ايبەك نۇعىماروۆ سپورتتىق جولىن اياقتاعانىن جاريالادى.
ءتۋرنيردى مادەنيەت جانە سپورت مينيسترىلىگى جانە نۇر-سۇلتان قالاسى اكىمدىگىنىڭ قولداۋىمەن «Qazaqstan Barysy» قورى مەن Qazaq kuresi اسسوتسياتسياسى ۇيىمداستىرادى.
قازاق كۇرەسى ەرەجەسىنە ەنگىزىلگەن وزگەرتۋلەرگە بايلانىستى بيىلعى تۋرنير «بۇك» ۇپايىنسىز وتەدى.
«قازاقستان بارىسى» ءتۋرنيرى اياسىندا جەڭىمپاز اتانعان بالۋانعا 25 000 000 تەڭگە, التىن بەلبەۋ مەن اۋىسپالى التىن «تايتۇياق» تابىستالادى. ەكىنشى ورىنعا 5 500 000 تەڭگە جانە ءۇشىنشى ورىنعا 1 800 000 تەڭگە, سايكەسىنشە كۇمىس جانە قولا بەلبەۋلەرمەن ماراپاتتالادى.
تۋرنير Qazsport ارنالارى ارقىلى تىكەلەي ەفيردەن كورسەتىلەدى.
