ايەلدەر اراسىنداعى جارىستا ەكى ويىنشىمىز دا وتە مىقتى قارسىلاستارعا تاپ بولدى. العاشقى اينالىمدا ەلىمىزدىڭ ءبىرىنشى راكەتكاسى ەلەنا رىباكينا قىتايلىق چجان شۋايمەن كەزدەسەدى. ۇزدىكتەر تىزىمىندە 41-ورىندا تۇرعان 33 جاستاعى قىتايدىڭ وكىلى WTA تۋرنيرلەرىن 15 رەت ۇتىپ, وسىدان ءتورت جىل بۇرىن ءدال وسى دودانىڭ شيرەك فينالىنا دەيىن جەتكەن. يۋليا پۋتينتسەۆا اليزە كورنەمەن شەبەرلىك بايقاسادى. الەمدىك رەيتينگتە 44-ورىندى ەنشىلەگەن 32 جاستاعى فرانتسيالىق ارۋ دا كەزىندە ءبىراز بەلەستى باعىندىردى. تارقاتىپ ايتساق, WTA جارىستارىندا التى رەت توپ جارعان ول اۋستراليانىڭ اشىق بىرىنشىلىگىنىڭ شيرەك فينالىندا ونەر كورسەتتى.
ەرلەر اراسىنداعى تۋرنيردە الەكساندر بۋبليك مارتون فۋچوۆيچپەن كۇش سىناسادى. ماجارستاننىڭ مىقتىسى بىلتىر ۋيمبلوندا ۇزدىك سەگىز تەننيسشىنىڭ قاتارىنا قوسىلدى. ال ميحايل كۋكۋشكين امەريكالىق دجەنسون برۋكسبيمەن كەزدەسەدى.
