پارلامەنت • 24 ماۋسىم، 2022

ماۋلەن اشىمباەۆ: رەفورمالاردىڭ باستى ماقساتى – ادىلەتتى قازاقستان قۇرۋ

25 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن سەناتورلار كەڭەسىنىڭ وتىرىسى ءوتتى. وندا كەڭەس مۇشەلەرى «كونستيتۋتسيالىق رەفورما – جاڭا قازاقستاننىن نەگىزى» تاقىرىبىندا وي ءوربىتتى، دەپ حابارلايدى Egemen.kz.

وتىرىستى اشقان ماۋلەن اشىمباەۆ بۇگىندە قازاقستان دامۋدىڭ جاڭا كەزەڭىنە قادام باسقانىن ايتتى. سونداي-اق مەملەكەت باسشىسى قاسىم-جومارت توقاەۆتىڭ باستاماسىمەن جاڭا قازاقستان قۇرۋ جولىندا كەشەندى رەفورمالار قولعا الىنعانىن تىلگە تيەك ەتتى.

«قازىر ەلىمىز ءۇشىن وتە ماڭىزدى كەزەڭ. اۋقىمدى ءارى كەشەندى رەفورمالار قولعا الىنىپ، قارقىندى جۇرگىزىلىپ جاتىر. بۇل رەفورمالاردىڭ نەگىزگى ماقساتى ادىلەتتى ساياسي-ەكونوميكالىق جۇيە قالىپتاستىرۋ. ادىلەتتى جۇيە دەگەنىمىز، ءبىرىنشى كەزەكتە، زاڭ ۇستەمدىگىن ورناتۋ جانە ازاماتتاردىڭ بارىنە بىردەي تەڭ مۇمكىندىك جاساۋ. بۇل جاڭا قازاقستان قۇرۋدىڭ نەگىزگى ءمانى ەكەنى ءسوزسىز»، دەدى سەنات توراعاسى.

سونداي-اق ماۋلەن اشىمباەۆ ەل پرەزيدەنتىنىڭ باستاماسىمەن قولعا الىنعان جانە رەفەرەندۋم كەزىندە قازاقستاندىقتاردىڭ باسىم بولىگى قولداۋ بىلدىرگەن رەفورمالاردى ساپالى زاڭنامامەن قامتاماسىز ەتۋ قازىر پالاتانىڭ الدىندا تۇرعان ماڭىزدى مىندەتتەردىڭ ءبىرى ەكەنىن ايتتى. بۇل رەتتە الدىڭعى بۋىن مەملەكەت قايراتكەرلەرىنىڭ، ونىڭ ىشىندە سەناتورلار كەڭەسىنىڭ مۇشەلەرىنىڭ مول تاجىريبەلەرى مەن ءبىلىمى ۇلكەن مانگە يە.

وتىرىس بارىسىندا سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى ۆلاديمير ۆولكوۆ بايانداما جاسادى. ول قۇقىقتىق سالانى، ونىڭ ىشىندە سايلاۋ جۇيەسىن، سايلاۋ پروتسەسىن جاڭعىرتۋدىڭ، قۇقىق قورعاۋ ينستيتۋتتارىن كۇشەيتۋدىڭ ماڭىزدىلىعىنا ەگجەي-تەگجەيلى توقتالدى.

«مەملەكەت باسشىسى ۇسىنعان ساياسي رەفورمالار ىرگەلى سيپاتقا يە. ولار قوعامنىڭ ساياسي جۇيەنى دەموكراتيالاندىرۋعا دەگەن كوپجىلدىق سۇرانىسىنان تۋىنداپ وتىر. سونداي-اق بۇل وزگەرىستەر ازاماتتاردىڭ مەملەكەتتىك شەشىمدەرگە ىقپال ەتۋ جانە جاڭا قازاقستان قۇرۋعا تىكەلەي قاتىسۋ مۇمكىندىگىن قامتاماسىز ەتۋدى كوزدەيدى»، دەدى ۆلاديمير ۆولكوۆ.

وتىرىس كەزىندە سەناتورلار كەڭەسىنىڭ مۇشەلەرى تولەۋبەك مۇقاشەۆ، سەرىك اقىلباي، گەورگي كيم، دۋلات قۇسداۋلەتوۆ جانە سەرىك بەكتۇرعانوۆ ءسوز سويلەپ، كونستيتۋتسيالىق رەفورمانى ىسكە اسىرۋ جونىندەگى ويلارىمەن ءبولىستى.

 

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار