«جەتىسۋ» كومانداسى ازيا چەمپيوناتىندا ءۇشىنشى ورىن الدى

استانا. 25 ءساۋىر. تالدىقورعان «جەتىسۋ» قىزدار ۆولەيبول كومانداسى تايلاندتا وتكەن ازيانىڭ كلۋبتىق چەمپيوناتىندا ءۇشىنشى ورىن الدى. بۇل تۋرالى egemen.kz ءتىلشىسى حابارلادى. قازاقستان ۆولەيبولشى قىزدارى چەمپيوناتتىڭ توپتىق تۋرنيرىندە بەس كەزدەسۋدىڭ تورتەۋىندە جەڭىسكە جەتىپ, شيرەك فينالعا شىقتى. ال 1/4 فينالدا ۆەتنام كومانداسىن تىزە بۇكتىردى. ال جارتىلاي فينالدا جاپوننىڭ «حيساميتسۋ سپرينگس» كومانداسىنان ءۇش پارتيادا ۇتىلدى. جاتتىقتىرۋشى اسقار شالقىبەكوۆتىڭ شاكىرتتەرى ءۇشىنشى ورىن ءۇشىن تالاستى تايۆاننىڭ «تايپەي» كومانداسىمەن وتكىزدى. قازاقستاندىقتار ونىڭ ءۇش پارتياسىن دا ءوز پايدالارىنا شەشە ءبىلدى. ءبىرىنشى پارتيا 25:15 ەسەبىمەن اياقتالدى. ەكىنشى پارتيا قاتتى تارتىس ۇستىندە ءوتىپ, جەرلەستەرىمىز ەڭ سوڭعى ساتتە جەڭىستى تارتىپ اكەتتى – 26:24. ءۇشىنشى پارتيادا ولار 25:20 ەتىپ تاعى جەڭدى. ەسكە سالا كەتەيىك, جەتىسۋلىقتار وتكەن جىلى وسى تۋرنيردە فينالعا دەيىن جەتىپ, قىتايلىقتارعا ەسە جىبەرگەن ەدى. دامير قوجامقۇل. دەرەككوز: egemen.kz. فوتو: قازاقستان ۆولەيبول فەدەراتسياسى.