الەم • 24 ماۋسىم، 2022

تايلاندتا ماسكا رەجيمى الىندى

13 رەت كورسەتىلدى

تايلاند ۇكىمەتى 2022 جىلعى 23 ماۋسىمداعى بۇيرىق بويىنشا مەديتسينالىق جانە ماتا ماسكالارىن مىندەتتى تۇردە كيۋ تالابىن الىپ تاستادى. ەندى ماسكالار تەك ەرىكتى تۇردە قولدانىلادى، دەپ حابارلايدى Egemen.kz.

تايلاند بيلىگى ماسكالاردى تەك ادامدار كوپ جينالاتىن جەرلەردە جانە ناشار جەلدەتىلەتىن جەرلەردە، سونداي-اق الەۋمەتتىك قاشىقتىق بولماعان جاعدايدا كيۋ ۇسىنىلادى دەپ اتاپ ءوتتى.

كوروناۆيرۋسپەن اۋىراتىندار، بايلانىستا بولعان ادامدار، قارتتار جانە سوزىلمالى اۋرۋلارى بار ازاماتتار ءۇشىن ماسكا تاعۋ ماڭىزدى.

تۋروپەراتورلار قاۋىمداستىعىنىڭ اقپاراتى بويىنشا، 1 شىلدەدەن باستاپ تايلاندقا كىرۋ ءۇشىن ەندى Thailand Pass راسىمدەۋدىڭ قاجەتى جوق.

Thailand Pass-تۋريستەرگە ارنالعان ۆەب-جۇيە. وندا ساياحات تۋرالى مالىمەتتەر جانە ساياحاتشىلاردىڭ دەنساۋلىعى ساقتالعان. Thailand Pass-تى تولتىرىپ، QR-كودتى الىپ، ەلگە كىرۋگە بولادى.

تايلاندقا كىرۋ ءۇشىن ۆاكتسيناتسيالانعان تۋريستەر ۆاكتسيناتسيا پاسپورتىن كورسەتۋى كەرەك. ەكپە سالدىرماعان تۋريستەر 72 ساعات بۇرىن پتر تەستىن جاساۋى قاجەت.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار