ۆەدومستۆو باسشىسى ءبىرىنشى ايالداعان «MFA International» جشس زاۋىتى مەديتسينالىق بەتپەردەلەر مەن اۋا تازارتاتىن رەسپيراتورلار وندىرەدى. «استانا – جاڭا قالا» اەا يندۋستريالىق پاركى اۋماعىندا ورنالاسقان تۇركيالىق كاسىپورىننىڭ قۇرىلىسى بيىل تامىز ايىندا تولىعىمەن اياقتالماق.
جوبانىڭ العاشقى كەزەڭىندە Z-267 سەريالى قورعانىش دەڭگەيى جوعارى بەتپەردە شىعارۋ كوزدەلسە (جىلىنا 2,5 ملن دانا بەتپەردە), كاسىپورىن تولىق ىسكە قوسىلعاندا Prestij (P-267V) سەريالى مەديتسينالىق ماسكا ءوندىرۋ جوسپارلانعان (جىلىنا 10 ملن دانا بەتپەردە). جوبانىڭ جالپى قۇنى – 2,1 ملرد تەڭگە.
ال تەرەزە, مەديتسينالىق قۇرال-جابدىقتار, كەڭسە جيھازدارى مەن مەتالل بۇيىمدارىن وندىرەتىن «ATM Construction & Investment» جشس زاۋىتى 2022 جىلدىڭ قىركۇيەك ايىندا ىسكە قوسىلادى. كاسىپورىن «استانا – جاڭا قالا» ارنايى ەكونوميكالىق ايماعىندا ورنالاسقان. جالپى قۇنى 22 ملرد تەڭگەنى قۇرايتىن زاۋىت تولىق ىسكە قوسىلعاندا 500 جاڭا جۇمىس ورنى پايدا بولادى دەپ كۇتىلۋدە. جوبا جالپى اۋماعى 17 مىڭ شارشى مەتر اۋماقتاعى بەس نەگىزگى وندىرىستىك كەشەننەن تۇرادى.
يدم باسشىسى ينۆەستورلارمەن جانە قۇرىلىسقا جاۋاپتى تۇلعالارمەن كەزدەسىپ, كاسىپورىنداردىڭ حالىق يگىلىگىنە قىزمەت ەتەتىنىنە سەنىم ءبىلدىردى.
