پارلامەنت دەپۋتاتتارى باستاماشىلىق جاساعان بۇل قۇجات قر پرەزيدەنتىنىڭ تاپسىرمالارىن ىسكە اسىرۋ, بايلانىس قىزمەتى سالاسىندا تۇتىنۋشىلاردىڭ قۇقىقتارىن ءتيىمدى قورعاۋدى قالىپتاستىرۋ ماقساتىندا ازىرلەندى. زاڭ جوباسى اياسىندا تەلەفون, ۇيالى بايلانىس جانە ينتەرنەت قىزمەتتەرىن كورسەتۋ قاعيدالارىن بۇزعانى ءۇشىن بايلانىس وپەراتورلارىنا قاتىستى اكىمشىلىك جاۋاپتىلىق ەسكەرىلگەن.
سونىمەن قاتار بايلانىس وپەراتورلارى كورسەتەتىن قىزمەتتەردىڭ ساپاسىن ارتتىرۋ, ينتەرنەت ساپاسىنىڭ بەلگىلەنگەن تالاپتارعا سايكەس كەلمەگەنى ءۇشىن ايىپپۇل مولشەرىن ۇلعايتۋ قاراستىرىلعان. زاڭ جوباسى اياسىندا جۇمىس بارىسىندا بيۋدجەتتىك باعدارلامالاردىڭ ءبىرىنشى باسشىسىنىڭ قارىز شارتىندا بەلگىلەنگەن مەرزىمدە مەملەكەتتىك سىرتقى قارىز قاراجاتىن يگەرمەگەنى ءۇشىن اكىمشىلىك جاۋاپتىلىعىن بەلگىلەۋگە قاتىستى تۇزەتۋلەر ەنگىزىلدى. الكوگول ءونىمىنىڭ اينالىمى جانە ەتيل ءسپيرتىن ءوندىرۋ بويىنشا كەيبىر تەرميندەر ناقتىلاندى, سونداي-اق تەمەكى ونىمدەرىن سايكەستەندىرۋ قۇرالدارىمەن تاڭبالاۋ ەرەجەلەرىن ساقتاۋ بويىنشا تالاپتار بەلگىلەندى.
بۇدان باسقا, قارۋ-جاراق اينالىمىنا قويىلاتىن تالاپتاردى قاتاڭداتۋ ەسكەرىلگەن. مەملەكەتتىك تىركەۋ ءنومىرى بەلگىلەرىنسىز نەمەسە ولاردى پايدالانۋعا تىيىم سالىنعاننان كەيىن كولىك قۇرالدارىن قايتا باسقارعانى ءۇشىن جاۋاپتىلىقتى بەلگىلەۋ بويىنشا تۇزەتۋلەر ەنگىزىلەدى. قۇقىق قورعاۋ ورگاندارى قىزمەتكەرلەرىنىڭ زاڭدى تالاپتارىن ورىنداماعانى ءۇشىن جاۋاپكەرشىلىكتى قاتاڭداتۋ بولىگىندە تۇزەتۋلەر كوزدەلگەن.
ايانا توعانبەك
