پارلامەنت • 23 ماۋسىم، 2022

سەنات ۆولونتەرلىك قىزمەتتى دامىتۋعا ارنالعان زاڭدى قابىلدادى

17 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسى ءوتتى. وندا دەپۋتاتتار بىرقاتار زاڭ جوباسىن قارادى، دەپ جازادى Egemen.kz.

وتىرىس بارىسىندا قابىلدانعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سترەستىك اكتيۆتەر نارىعىن دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ مەملەكەت باسشىسىنىڭ تاپسىرماسى بويىنشا قولعا الىندى. اتالعان قۇجات سترەستىك اكتيۆتەر نارىعىندا قولدانىلاتىن نورماتيۆتىك-قۇقىقتىق بازانى جەتىلدiرۋگە باعىتتالعان.

«بۇل زاڭ مەملەكەت باسشىسىنىڭ تاپسىرماسى بويىنشا قابىلدانىپ وتىر. جاڭا نورمالار سترەستىك اكتيۆتەر نارىعىندا قولدانىلاتىن قۇقىقتىق تەتىكتەردى جەتىلدiرۋگە جانە وسى سالانىڭ وسۋىنە جاعداي جاساۋعا ارنالعان. سونداي-اق زاڭ ينۆەستورلاردىڭ سترەستىك اكتيۆتەر نارىعىنا قول جەتكىزۋىن قامتاماسىز ەتۋ ارقىلى وسى باعىتتى ودان ءارى دامىتۋدى كوزدەيدى. جاڭا تالاپتار بۇل سالاداعى راسىمدەردىڭ اشىقتىعى مەن ايقىندىعىن دا قامتاماسىز ەتەدى. الداعى ۋاقىتتا زاڭ پروبلەمالىق اكتيۆتەردى ەكونوميكالىق اينالىمعا تارتۋعا مۇمكىندىك بەرە وتىرىپ، بيزنەس ورتانى جاقسارتۋعا وڭ اسەرىن تيگىزەدى دەپ سەنەمىز»، دەدى ماۋلەن اشىمباەۆ.

سەناتورلار وتىرىس كەزىندە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسى) جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭداردى ەكى وقىلىمدا قاراپ، قابىلدادى.

سونداي-اق دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىن وتكەرۋ ءتارتىبىن جەتىلدىرۋ، قۇقىق قورعاۋ ورگاندارى، ارناۋلى مەملەكەتتىك ورگاندار قىزمەتكەرلەرىنىڭ جانە اسكەري قىزمەتشىلەردىڭ قۇقىقتىق جانە الەۋمەتتىك قورعالۋى مەن جاۋاپتىلىعىن ارتتىرۋ، ۆەدومستۆوارالىق ۇيلەستىرۋ، ىشكى ىستەر ورگاندارىنىڭ دەربەستىگى، جەكەلەگەن قىلمىستىق قۇقىق بۇزۋشىلىقتار ءۇشىن جاۋاپتىلىقتى كۇشەيتۋ جانە قارۋ اينالىمى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى دا ەكى وقىلىمدا قابىلدادى.

قۇجات كادرلىق قامتاماسىز ەتۋ، اسكەري قىزمەتتى وتكەرۋ جانە الەۋمەتتىك قامتاماسىز ەتۋ سالالارىن جەتىلدىرۋدى كوزدەيدى. سونداي-اق جاڭا نورمالار پوليتسەيلەردىڭ قۇقىقتىق مارتەبەسى مەن قورعالۋىن ارتتىرۋعا باعىتتالىپ وتىر.

سونىمەن قاتار پالاتا وتىرىسىندا دەپۋتاتتار ۆولونتەرلىك قىزمەتتى ودان ءارى دامىتۋعا ارنالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۆولونتەرلىك قىزمەت، قايىرىمدىلىق، مەملەكەتتىك الەۋمەتتىك تاپسىرىس، ستراتەگيالىق ارىپتەستىكتى ىسكە اسىرۋعا ارنالعان مەملەكەتتىك تاپسىرىس، ۇكىمەتتىك ەمەس ۇيىمدارعا ارنالعان گرانتتار مەن سىيلىقاقىلار، دارىلىك قامتاماسىز ەتۋ جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قابىلدادى. بۇل جونىندە پىكىر بىلدىرگەن ماۋلەن اشىمباەۆ زاڭ بىرقاتار قوعامدىق قاتىناستى رەتتەيتىن زاڭنامانى ودان ءارى جەتىلدىرەتىنىن ايتتى.

«وسى زاڭ ارقىلى ازاماتتاردىڭ قايىرىمدىلىق پەن ۆولونتەرلىككە جۇيەلى نەگىزدە قاتىسۋىن ىنتالاندىرۋ كوزدەلگەن. سونداي-اق بۇل قۇجات وسىنداي الەۋمەتتىك پايدالى قىزمەتپەن اينالىسۋ مادەنيەتىن دامىتۋ ءۇشىن قولايلى قۇقىقتىق ورتا قالىپتاستىرادى. زاڭدا گرانتتىق قارجىلاندىرۋ پروتسەسىنىڭ اشىقتىعىن، ۇكىمەتتىك ەمەس ۇيىمداردىڭ الەۋەتىن جانە ولاردىڭ تۇراقتى دامۋىن ارتتىرۋعا ارنالعان نورمالار بار. سونىمەن قاتار حالىققا دارىلىك زاتتار مەن مەديتسينالىق قىزمەتتەردىڭ قولجەتىمدىلىگىن قامتاماسىز ەتەتىن قۇقىقتىق شەشىمدەر بەلگىلەنگەن. الداعى ۋاقىتتا بۇل زاڭ ەلىمىزدە قايىرىمدىلىق پەن ۆولونتەرلىك قىزمەتتى ودان ءارى دامىتۋعا وڭ سەپتىگىن تيگىزەدى دەپ سەنەمىز»، دەدى سەنات توراعاسى.

پالاتا وتىرىسىندا دەپۋتات ناريمان تورەعاليەۆ سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى بولىپ سايلاندى. بۇعان دەيىن وسى قىزمەتتى اتقارعان بەيبىت يساباەۆ مەملەكەت باسشىسىنىڭ جارلىعىمەن جەتىسۋ وبلىسىنىڭ اكىمى بولىپ تاعايىندالعانى بەلگىلى. سوعان بايلانىستى ورتالىق سايلاۋ كوميسسياسىنىڭ قاۋلىسىنا سايكەس ونىڭ دەپۋتاتتىق وكىلەتتىگى توقتاتىلدى.

ودان بولەك، وتىرىستا سەناتورلار دەپۋتاتتىق ساۋالدارىن جولدادى.

اسقار شاكىروۆ باستاعان ءبىر توپ دەپۋتات ارال وڭىرىندەگى ەكولوگيالىق پروبلەمالاردى شەشۋگە قاتىستى ۇكىمەتتىڭ جۇمىسىن جاڭداندىرۋ ماڭىزدى ەكەنىنە نازار اۋداردى.

جانبولات جورگەنباەۆ جايىلىم جەرلەردىڭ تاپشىلىعىنا قاتىستى ماسەلەنى شەشۋ شارالارىن ۇسىندى.

سوڭعى جاڭالىقتار

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار