ەلوردادا شومىلۋعا تىيىم سالىنعان 21 ۋچاسكە بەلگىلەندى. ولاردىڭ قاتارىندا – شۇبار, گازماشاپپاراتۋرا جانە تەلمان تۇرعىن الابىنداعى, ترياتلون پاركى, دەپۋتاتتىق قالاشىق ماڭىنداعى ەسىل وزەنى, سونداي-اق قاراسۋ وزەنى, اقبۇلاق وزەنى, نۇرا-ەسىل ارناسى جانە باسقالارى بار.
«ورتالىق قالالىق جاعاجاي», «تري پەسكاريا» جانە «استانالىق اۋلا» دەمالىس ايماقتارىندا سۋعا تۇسۋگە رۇقسات ەتىلگەن.
ايتا كەتسەك, قازىر ش.بەيسەكوۆا كوپىرى جانىنداعى ورنالاسقان كوممۋنالدىق جاعاجايعا قاتىستى اكىمدىك قاۋلىسىنا تولىقتىرۋ ەنگىزۋ جۇمىسى باستالدى.
«اتقارىلعان جۇمىستارعا قاراماستان, بۇگىنگە دەيىن ەلوردانىڭ سۋ ايدىندارىندا 3 ادام سۋعا كەتتى, ونىڭ ۇشەۋى دە – بالا. بىلتىر وسى ارالىقتا 2 ادام سۋعا كەتىپ, كوز جۇمدى, ونىڭ ىشىندە بىرەۋى – بالا. قازا بولۋ فاكتىلەرى سۋعا شومىلۋعا تىيىم سالىنعان جانە ارنايى جابدىقتالماعان سۋ ايدىنى اۋماعىندا تىركەلگەن. 2022 جىلى 4 ادام قۇتقارىلدى. الايدا سەرۋەندەۋگە شىققاندار قۇتقارۋ قىزمەتكەرلەرىنىڭ ەسكەرتۋىن ەلەمەي, ولارعا داۋىس كوتەرىپ, نامىسىن تاپتايتىندار, سول سياقتى تىيىم سالۋ بەلگىلەرى مەن ستەندتەردى بۇزاتىندار بار», دەدى راتبەك دەمەۋبەرگەن.
