ونەر • 23 ماۋسىم، 2022

بۋراباي تابيعاتى تاڭعالدىردى

17 رەت كورسەتىلدى

ەلورداداعى ۇلتتىق مۋزەي­دە حالىقارالىق ART TALK ءىى سيمپو­زيۋمىن قو­رى­تىن­دى­لا­عان كورمە ءوتتى.

مازمۇندى ءىس-شارانىڭ اشىلۋىندا ۇلتتىق مۋزەي ديرەكتورىنىڭ ورىنباسارى نازگۇل قادىرىمبەتوۆا حا­لىقارالىق سيمپوزيۋمعا قاتىسقان سۋرەتشىلەرگە ال­عىسىن جەتكىزە كەلىپ: «ونەردە شەكارا بولمايتىندىعىنا بۇگىن تاعى كوزىمىز جەتتى. سىز­دەردىڭ قارىمدى قىلقا­لام­دارىڭىزدان تۋعان دۇنيە­لەر ەلوردالىقتاردىڭ كوز­ايىمىنا اينالدى. بۇل تۋىن­دىلاردىڭ ءبارى مۋزەيدىڭ التىن قورىندا ساقتالادى»،  دەدى.

سونداي-اق كورەيادان كەلگەن تانىمال سۋرەتشى دجۋ گەنۆۋ اتالعان ءىس-شارانى وتكىزۋگە ۇيىتقى بولعان ما­دەنيەت جانە سپورت مي­نيس­ترلىگى مەن ۇلتتىق مۋزەي ۇجىمىنا ريزاشىلىعىن ءبىل­دىرىپ، كوكشەتاۋ ولكەسىنىڭ كوركەم كەلبەتى مەن تاري­حىن ءبىر تۋىندىعا سىيدىرۋ مۇم­كىن ەمەستىگىن ءسوز ەتسە، موڭ­عو­ليا­لىق سۋرەتشى گانگات ەنح وري قىلقالام شە­بەرلەرىنە شابىت سىيلاعان جيىننان العان اسەرىمەن ءبو­لىستى.

كورمەگە سيمپوزيۋمعا قا­تىسقان سۋرەتشىلەردىڭ جاڭا تۋىن­دىلارى قويىلدى. ولار­دىڭ اراسىندا مايلى بوياۋ، اكۆارەل، قارىنداشتى پايدالانىپ، ءار جانردا سالىنعان كارتينالاردا بۋرابايدىڭ عاجايىپ تابيعاتى مەن تاريحى قىلقالام شەبەرلەرىنىڭ قيالى ارقىلى اسەم تۇرگە بولەنگەن. اسىرەسە كەلۋشىلەر سۋرەت­شى­لەردىڭ «بۋراباي تاڭى»، «دالا اڭىزى»، «كەز­دەسۋ»، «وق­جەتپەس» سەكىلدى ەڭبەك­تە­رىنە قىزىعۋشىلىق تانىتتى.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار