باقىتتى وتباسىن العاشقىلاردىڭ ءبىرى بولىپ قوستاناي قالاسىنىڭ اكىمى مارات جۇندىباەۆ قۇتتىقتادى.
– سىزدەردى كوپتەن كۇتكەن نارەستەلەرىڭىزدىڭ ومىرگە كەلۋىمەن قۇتتىقتايمىن. بۇل – وتە ۇلكەن قۋانىش ءارى عاجايىپ وقيعا. مۇنداي جاعداي سوڭعى جيىرما جىل ىشىندە بەسىنشى رەت, ون جىلدا ءۇش مارتە قايتالانىپ وتىر. سابيلەرىڭىزدىڭ دەنى ساۋ بولسىن! ءوڭىر تۇرعىندارى 2021 جىلدان باستاپ «اڭساعان ءسابي» باعدارلاماسىنىڭ ناتيجەسىن كورىپ وتىر. اتالعان باعدارلاما اياسىندا ەكستراكورپورالدى ۇرىقتاندىرۋعا بەرىلەتىن كۆوتا مولشەرى 7 ەسە ارتتى. بۇل – جاس وتباسىلارعا كورسەتىلىپ جاتقان وراسان زور قولداۋ. 2021 جىلى قوستاناي وبلىسىندا ەكۇ كومەگىمەن 72 بالا دۇنيەگە كەلدى, – دەدى اكىم.
قالا اكىمى ۇشەمنىڭ اتا-اناسىنا 1,5 ملن تەڭگەنىڭ سەرتيفيكاتىن تارتۋ ەتتى.
– ءبىز جەتى جىل پەرزەنت كۇتتىك. سودان كەيىن ەكستراكورپورالدى ۇرىقتاندىرۋ ارقىلى باعىمىزدى سىناپ كورۋگە تۋرا كەلدى. باقىتىمىزعا وراي, العاشقى مۇمكىندىكتەن-اق ايەلىم قۇرساق كوتەردى. اۋەل باستا ەگىز بولار دەپ جۇرگەن ەدىك, ۋزي-عا كەلگەنىمىزدە دارىگەرلەر ماعان ء«سىز ەندى كوپبالالى اكەسىز» دەدى. ءسويتىپ, ۇشەم ەكەنىن بىلدىك. ولاردىڭ امان-ەسەن دۇنيەگە كەلۋى زور قۋانىش. ەندى مەنىڭ ۇلىم دا, قىزدارىم دا بار. شەكسىز باقىتتىمىن! – دەيدى يگور.
ۇشەمدەردىڭ بىرەۋى – ۇل, ەكەۋى – قىز بالا ەكەن. ميلانا, ارينا جانە ارتەم دەپ ات قويىپتى. ءۇش بىردەي ءسابيى دۇنيەگە كەلگەن كۇننىڭ ەرتەسىندە يگور يپوتەكاعا كەڭ پاتەر دە ساتىپ الىپتى. قازىر جوندەۋ جۇمىستارى ءجۇرىپ جاتىر ەكەن. جارتى ايدان سوڭ قونىس تويىن جاساماق.
قوستاناي وبلىسى
