قوعام • 22 ماۋسىم، 2022

پوليتسيانىڭ جاڭا مودەلى

494 رەت كورسەتىلدى

قوعامنىڭ دا، حالىقتىڭ دا قورعانى – پوليتسەي. مەملەكەت تاراپىنان سالاداعى قۇقىقتىق رەفورماعا اۋقىمدى قولداۋ كورسەتىلىپ كەلەدى. ال ىشكى ىستەر ورگانىندا قانداي رەفورما ەنگىزىلدى؟ ونىڭ ناتيجەسى نەشىك؟

كوللاجدى جاساعان قونىسباي شەجىمباي، «EQ»

اتىراۋ وبلىستىق پوليتسيا دە­پارتا­مەنتى­ باسشىسىنىڭ ورىنبا­سارى بەرىك امانگەلدىنىڭ ايتۋىن­شا، «پوليتسيانىڭ سەرۆيستىك مودەلى» قاناتقاقتى جوباسىن ەنگىزۋدىڭ ءۇش نە­گىزگى باعىتى ايقىندالىپ وتىر. ءبىرىن­شىسى – ازاماتتاردىڭ پوليتسياعا قول­جەتىمدىلىگىن بارىنشا جەڭىلدەتۋگە با­عىتتالعان قادام. ەكىنشى باعىت – قاۋىپ­سىزدىكتى قامتاماسىز ەتۋ جانە قۇقىق بۇ­زۋشىلىقتاردىڭ الدىن الۋ. ۇشىن­شىدەن، بۇل – تۇرعىندارمەن تىعىز بايلانىس.

– ويتكەنى قاۋىپسىزدىكتى قامتاما­سىز ەتۋ پروبلەماسىن ءتيىمدى شەشۋ جەر­گىلىكتى قوعامداستىقتىڭ بەلسەندى قولداۋىمەن عانا مۇمكىن بولادى. وسى باعىتتا ۋچاسكەلىك پوليتسيا ينسپەكتورلارى تۇرعىندارمەن جۇيەلى تۇردە كەزدەسۋلەر وتكىزىپ ءجۇر، – دەيدى بەرىك امانگەلدى.

ال شتاب باسقارماسى باستىعىنىڭ ورىنباسارى التىنبەك قايىرليەۆتىڭ مالىمەتىنشە، اتىراۋ قالاسىنىڭ اۋما­عىندا 3 507 بەينەباقىلاۋ كامەراسى ورناتىلعان. ونىڭ 759-ى جەدەل باسقارۋ ورتالىعىنا تيەسىلى بول­سا، «سەرگەك» جەلىسىندە 1 997، «ين­تەگراتسيا» جۇيەسىندە 750 كا­مەرا بار. بەينەكامەرالار كولىك قوز­عا­لى­سىنىڭ ءجۇرىسىن جەدەل با­قى­لاپ، قاۋىپ­تى جاعدايلاردىڭ الدىن الۋعا، قۇقىق بۇزۋشىلىقتىڭ ءىزىن سۋىت­پاي انىقتاۋعا ىقپال ەتەدى. كوشە­گە ور­ناتىلعان كامەرالاردىڭ پو­ليتسيا­ جۇمىسىنىڭ تيىمدىلىگىن ارت­تى­­رۋعا، ءتۇرلى قىلمىستىڭ جەدەل اشى­لۋىنا سەپتىگى ءتيىپ وتىر. ماسەلەن، جىل باسىنان بەرى جەدەل باسقارۋ ورتا­لى­عىنىڭ بەينەباقىلاۋ كەزەكشى-ينس­پەك­تورلارى 111 قىلمىستى اشكە­رە­لەدى. ال جىلىوي اۋدانىندا 2 قىل­مىس ءىزى سۋىماي اشىلعان. جىل با­سىنان بەرى اتالعان كامەرالار ار­­قىلى 8 671 اكىمشىلىك قۇقىق بۇزۋ­شىلىق انىق­تالعان. قۇقىق بۇزۋشى­لىق­تىڭ 7 522-ءسى اتىراۋ قالاسىنىڭ اۋما­عىندا، 1 149-ى جىلىوي اۋدانىندا تىركەلگەن.

– ءبىزدىڭ وبلىستا «قورعاۋ – قاۋىپ­تى جۇرگىزۋشى» ءموبيلدى قوسىمشا­سى ىسكە قوسىلدى. بۇل – جول ەرەجە­سىن ءتيىمدى باقىلاۋعا، جازانى بۇلتارت­پاۋ قاعيداتىن ساقتاۋعا ارنال­عان اۆ­توماتتى جۇيە. ءموبيلدى قوسىم­شامەن جۇمىس ىستەۋ ءۇشىن پوليتسيا قىزمەتكەرلەرى جاڭا ۇلگىدەگى 100 پلان­شەتپەن جابدىقتالدى. قا­زىر وبلىس جولدارىندا 1 224 مىڭ­ اۆ­توماتتى كامەرا بار. ونىڭ 51-ءى جول قيىلىستارىندا، 153-ءى جە­لى­لىك ۋچاس­كەلەردە ورنالاسقان. كا­مە­را­لار­دىڭ كومەگىمەن جىل سايىن 120 مىڭعا جۋىق جول قوزعالىسى ەرەجەلەرىن بۇزۋ جاعدايلارى انىقتالادى. ەندى «قورعاۋ – قاۋىپتى جۇرگىزۋشى» ءموبيلدى قوسىمشاسىنا «سەرگەك» كامەرالارى مەن جەدەل باسقارۋ ورتالىعىنىڭ مالىمەتتەرى بىردەن كورسەتىلەتىن بولادى. بۇل جول ەرەجەسىن بۇزاتىن كولىك جۇرگىزۋشىلەرىن جىلدام انىقتاۋعا مۇمكىندىك بەرەدى، – دەيدى باسشى ورىنباسارى بەرىك امانگەلدى.

ونىڭ ايتۋىنا قاراعاندا، پوليتسيا قىزمەتكەرلەرى پلانشەت ارقىلى جۇرگىزۋشىنىڭ قوزعالىسى تۋرالى ما­لى­مەتتى كورە الادى. ونىڭ ىشىندە كولىكتى جالعان نومىرمەن باسقاراتىن جۇرگىزۋشىلەر، تەحنيكالىق بايقاۋدان وتپەگەن نەمەسە ساقتاندىرۋ ءپوليسىنسىز كولىك جۇرگىزگەندەر، ۇستاۋ قاجەتتىلىگى تۋرالى اقپارات تۇسكەن جۇرگىزۋشىلەر، 10 مينۋت ىشىندە ەكى نەمەسە ودان دا كوپ جول ەرەجەسىن بۇزعاندار تۋرالى مالىمەتتەر قامتىلادى. جاڭا ۇلگى­دەگى پلانشەتتەر پاترۋلدىك پولي­­تسيا قىزمەتكەرلەرىنىڭ قىزمەت كەزىندە اق­پاراتتى تەز تابۋىن ارتتىرادى. كو­لىك جۇرگىزۋشىنىڭ دە، پوليتسيا قىز­مەت­كەرلەرىنىڭ دە ۋاقىتىن ۇنەمدەۋگە سەپتىگىن تيگىزەدى. ال ايىپ­پۇل تۋرالى اقپارات ءىىم دەرەكتەر با­زا­­­سىنا جەدەل تۇسەدى. سونداي-اق بۇل باعدار­لا­ما حاكەرلىك شابۋىلدان قور­عالعان. پلانشەتتەرگە ءموبيلدى بايلانىس وپەرا­تورلارىنىڭ ءبىرىنىڭ ارنايى ارناسى ارقىلى مالىمەتتەر بازاسىمەن باي­لانىس ورناتىلعان. پوليتسەيلەر باعدار­لاماعا كىرىپ، حاتتامانى جويا المايدى.

 

اتىراۋ وبلىسى

سوڭعى جاڭالىقتار

سال-سەرىنىڭ سوڭى

قازاقستان • كەشە

GGG – CANELO: ەر كەزەگى ۇشكە دەيىن...

كاسىپقوي بوكس • كەشە

الاش ارداقتىسىن تۇركى الەمى ۇلىقتادى

احمەت بايتۇرسىن ۇلى • كەشە

ءبىزدىڭ سايىن

ادەبيەت • كەشە

ماعجاننىڭ قاراسوزدەرى

ادەبيەت • كەشە

ساف اۋاداعى سەرۋەن

ەگەمەن قازاقستان • كەشە

ۇقساس جاڭالىقتار