اۋا رايى • 21 ماۋسىم، 2022

بىرنەشە وبلىستا اۋا رايىنا بايلانىستى ەسكەرتۋ جاريالاندى

18 رەت كورسەتىلدى

22 ماۋسىمدا ەلىمىزدىڭ 10 وڭىرىنە قاتىستى داۋىلدى ەسكەرتۋ جاريالاندى، دەپ حابارلايدى Egemen.kz.

سولتۇستىك قازاقستان وبلىسىنىڭ سولتۇستىگىندە، شىعىسىندا نايزاعاي ويناپ، بۇرشاق جاۋادى، سونداي-اق داۋىل كۇتىلەدى.

وڭتۇستىك-باتىستان، باتىستان 15-20 م/س جىلدامدىقپەن جەل سوعادى، كۇندىز وبلىستىڭ باسىم بولىگىندە سوققان جەلدىڭ ەكپىنى 23-28 م/س، ال شىعىسىندا 25 م/س قۇرايدى.

كۇندىز قاراعاندى وبلىسىنىڭ وڭتۇستىگىندە قاتتى ىستىق بولادى. قاراعاندىدا كۇندىز سولتۇستىك-باتىستان وڭتۇستىك-باتىسقا ويىسا سوققان جەلدىڭ ەكپىنى 18 م/س جەتەدى.

جەزقازعاندا كۇندىز قاتتى ىستىق ساقتالادى (+36...+38°C).

باتىس قازاقستان وبلىسىنىڭ سولتۇستىك-شىعىسىندا نايزاعاي ويناپ، بۇرشاق تۇسەدى، داۋىل تۇرادى. وڭتۇستىك-شىعىستان جەل سوعادى، كۇندىز وبلىستىڭ سولتۇستىك-شىعىسىندا سوققان جەلدىڭ ەكپىنى 15-20 م/س جەتەدى، كۇندىز وبلىستىڭ وڭتۇستىك-باتىسىندا 37°C-گە دەيىن قاتتى ىستىق بولادى.

كۇندىز قىزىلوردا وبلىسىندا قاتتى ىستىق بولادى (+40°C). وبلىستىڭ باسىم بولىگىندە جانە قىزىلوردادا توتەنشە ءورت قاۋپى ساقتالادى.

كۇندىز الماتى وبلىسىنىڭ سولتۇستىگىندە جانە شىعىسىندا قاتتى ىستىق بولادى (+36°C). وڭتۇستىك-باتىستان جەل سوعادى، وبلىستىڭ تاۋلى اۋداندارىندا سوققان جەلدىڭ ەكپىنى 15-20 م/س، كەيدە 25 م/س قۇرايدى.

كۇندىز تۇركىستان ءوبلىسىنىڭ شولدى اۋداندارىندا اپتاپ ىستىق (+45°C). تاۋلى وڭىرلەرىندە نايزاعاي ويناپ، داۋىل تۇرادى. سوققان جەلدىڭ ەكپىنى - 15-20 م/س.

ماڭعىستاۋ وبلىسىنىڭ سولتۇستىگىندە، وڭتۇستىگىندە، ورتالىعىندا شاڭدى داۋىل تۇرادى. وڭتۇستىك-شىعىستان سوققان جەلدىڭ ەكپىنى ءوڭىردىڭ سولتۇستىگىندە، وڭتۇستىگىندە، ورتالىعىندا 15-20 م/س قۇرايدى، كۇندىز وبلىستىڭ باسىم بولىگىندە اپتاپ ىستىق بولادى (+40°C).

كۇندىز اقتوبە وبلىسىنىڭ ورتالىعىندا سولتۇستىگىندە، شىعىسىندا نايزاعاي وينايدى. سولتۇستىك-باتىستان سوققان جەلدىڭ ەكپىنى 18 م/س جەتەدى.

كۇندىز جامبىل وبلىسىنىڭ باتىسىندا، سولتۇستىگىندە اپتاپ ىستىق بولادى (+43°C).

قوستاناي وبلىسىنىڭ باتىسىندا، سولتۇستىگىندە، شىعىسىندا نايزاعاي ويناپ، بۇرشاق تۇسەدى، داۋىل تۇرادى. باتىستان، سولتۇستىكتەن، شىعىستان 15-20 م/س جىلدامدىقپەن جەل سوعادى، كەيدە 25 م/س جەتەدى.

ايانا توعانبەك

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار