پارلامەنت • 21 ماۋسىم، 2022

سەناتتا اكىمشىلىك قۇقىق بۇزۋشىلىق تۋرالى كودەكسكە تۇزەتۋلەر تالقىلاندى

11 رەت كورسەتىلدى

سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ دەپۋتاتتارى كەڭەيتىلگەن وتىرىس وتكىزدى، دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ. 

وتىرىستا اكىمشىلىك قۇقىق بۇزۋشىلىق تۋرالى كودەكسكە وزگەرىستەر مەن تولىقتىرۋلار، سونداي-اق اسكەري قىزمەت وتكەرۋ ءتارتىبىن جەتىلدىرۋگە قاتىستى زاڭ جوباسى تالقىلاندى.

«قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قازاقستان رەسپۋبليكاسى پرەزيدەنتىنىڭ تاپسىرماسىن ىسكە اسىرۋ، اكىمشىلىك جاۋاپكەرشىلىكتى ەنگىزۋمەن قاتار بايلانىس جانە ينتەرنەت قىزمەتى سالاسىندا تۇتىنۋشىلاردىڭ قۇقىقتارىن ءتيىمدى قورعاۋدى قالىپتاستىرۋ ماقساتىندا ازىرلەندى.

ال «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىن وتكەرۋ ءتارتىبىن جەتىلدىرۋ، قۇقىق قورعاۋ ورگاندارى، ارناۋلى مەملەكەتتىك ورگاندار قىزمەتكەرلەرىنىڭ جانە اسكەري قىزمەتشىلەردىڭ قۇقىقتىق جانە الەۋمەتتىك قورعالۋى مەن جاۋاپتىلىعىن ارتتىرۋ، ۆەدومستۆوارالىق ۇيلەستىرۋ، ىشكى ىستەر ورگاندارىنىڭ دەربەستىگى، جەكەلەگەن قىلمىستىق قۇقىق بۇزۋشىلىقتار ءۇشىن جاۋاپتىلىقتى كۇشەيتۋ جانە قارۋ اينالىمى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى نەگىزگى 2 بولىككە ءبولىندى.

ء«بىرىنشى بلوكتا كادرلىق قامتاماسىز ەتۋ، اسكەري قىزمەتتى وتكەرۋ جانە الەۋمەتتىك قامتاماسىز ەتۋ سالاسىنداعى تۇزەتۋلەر كوزدەلىپ وتىر. ەكىنشىسى قارۋ اينالىمى سالاسىن زاڭنامالىق رەتتەۋگە، پوليتسەيلەردىڭ قۇقىقتىق قورعالۋىن ارتتىرۋعا، كۇش قۇرىلىمدارىنىڭ دەربەستىگىن قامتاماسىز ەتۋگە باعىتتالعان»، دەلىنگەن حابارلامادا.

سونداي-اق سەناتورلار كوميتەتتىڭ كەڭەيتىلگەن وتىرىسىنىڭ قورىتىندىسى بويىنشا زاڭ جوباسىن پالاتانىڭ قاراۋىنا جىبەرۋ تۋرالى شەشىم قابىلدادى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار