«رەسپۋبليكا اۋماعىندا ەرەكشە قاۋىپتى ورگانيزمنىڭ 12 ءتۇرى, زياندى ورگانيزمنىڭ 5 ءتۇرى, كارانتيندىك وبەكتىلەردىڭ 14 ءتۇرى تارالعان. بۇگىندە شەگىرتكەلەرمەن كۇرەسۋگە ەرەكشە كوڭىل بولىنەدى. بيىل ءۇيىرلى شەگىرتكە 997 مىڭ گەكتار ايماققا تارالعان. ونىڭ ىشىندە يتاليالىق پرۋس – 760 مىڭ, ازيالىق شەگىرتكە 201 مىڭ جانە ماروككو شەگىرتكەسى - 35 مىڭ گەكتارعا تارالعان. سونىمەن قاتار ساياق شەگىرتكە زيانكەستەرى 271 مىڭ گەكتار الاڭدا بايقالعان. جالپى شەگىرتكەلەرگە قارسى رەسپۋبليكا بيۋدجەتىنەن 1,9 ملرد تەڭگە, جەرگىلىكتى بيۋدجەتتەن 659 ملن تەڭگە ءبولىندى», دەدى ول.
ونىڭ ايتۋىنشا, اتالعان قاراجات پەستيتسيدتەر مەن حيميالىق وڭدەۋ قىزمەتتەرىن قاجەتتى مولشەردە ساتىپ الۋعا مۇمكىندىك بەرگەن.
ء«ۇيىرلى شەگىرتكەلەرگە قارسى وڭدەۋ جۇمىستارىن ءتيىمدى جۇرگىزۋ ءۇشىن ءارتۇرلى توپتاعى پەستيتسيدتەر ساتىپ الىندى. وبلىس اكىمدىكتەرىمەن بىرلەسىپ, ايماق اكىمدەرىنىڭ ورىنباسارالارى باسقاراتىن جەدەل شتابتار قۇرىلدى», دەدى ينسپەكتسيا باسشىسى.
