قوعام • 21 ماۋسىم، 2022

ەلىمىزدە شومىلۋعا رۇقسات ەتىلگەن ورىندار بەكىتىلدى

96 رەت كورسەتىلدى

قازىرگى كەزدە ەلىمىزدە شومىلۋعا رۇقسات ەتىلگەن 497 ورىن بەكىتىلگەن، دەپ حابارلايدى Egemen.kz. بۇل تۋرالى قر توتەنشە جاعدايلار مينيسترلىگىنىڭ ازاماتتىق قورعانىس جانە اسكەري بولىمدەر كوميتەتىنىڭ توراعاسى باۋىرجان سىزدىقوۆ ايتتى.

«1 ماۋسىمنان ەلىمىزدە سۋدا شومىلۋ كەزەڭى باستالدى. سۋ قويمالارىندا قاۋىپسىزدىكتى قامتاماسىز ەتۋ ماقساتىندا توتەنشە جاعدايلار مينيسترلىگى قۇزىرلى ۆەدومستۆولار جانە اكىمدىكتەرمەن بىرلەسىپ كەشەندى الدىن الۋ جۇمىستارىن ۇيىمداستىرىپ، ىسكە اسىرىپ جاتىر. قازىرگى كەزدە ەلىمىزدە شومىلۋعا رۇقسات ەتىلگەن 497 (2021 جىلى - 538) ورىن بەكىتىلگەن. ونىڭ ىشىندە 142-ءسى كوممۋنالدىق، 341-ءى جەكە جاعاجاي رەتىندە تىركەلدى. مۇنىمەن قوسا، 14 ورىن بويىنشا ناقتى يەلەرىن بەكىتۋ جۇمىستارى جۇرگىزىلىپ جاتىر (شقو – 10، بقو-4)»، دەدى ب. سىزدىقوۆ.

ونىڭ ايتۋىنشا، ەلىمىزدە ادامدار شومىلۋعا نەمەسە دەمالۋعا باراتىن سۋ قويمالارى، وزەندەر مەن كولدەردەگى ورىندار 50 مىڭنان اسادى. الايدا بۇل جەرلەر قاۋىپسىزدىك تالاپتارىنا ساي جاساقتالماعان.

«حالىق ەڭ كوپ پايدالاناتىن 125 سۋ قويماسىندا توتەنشە جاعدايلار مينيسترلىگىنىڭ 493 قۇتقارۋشىسى تاۋلىك بويى كەزەكشىلىك اتقارىپ جاتىر. بيىل باقىلاۋدى كۇشەيتۋ جانە ازاماتتاردىڭ قاۋىپسىزدىگىن قامتاماسىز ەتۋ ماقساتىندا شومىلۋ ماۋسىمى باستالىسىمەن قاۋىپتى جانە كۇزەتىلمەيتىن اۋماقتاردا مينيسترلىكتىڭ قوسىمشا 55 جىلجىمالى قۇتقارۋ بەكەتى جۇمىسىن كىرىستى»، دەدى ۆەدومستۆو وكىلى.

ايانا توعانبەك

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار